الماتىدا حالىقارالىق اۆتوكولىك تاسىمالى بويىنشا كولىك بيزنەسىمەن كەڭەيتىلگەن كەڭەس ءوتىپ جاتىر.
قوعامدىق پىكىردى بارىنشا قامتۋ جانە شەشىمدەر قابىلداۋدىڭ اشىقتىعىن قامتاماسىز ەتۋ ماقساتىندا قازاقستان رەسپۋبليكاسى كولىك مينيسترلىگىنىڭ اۆتوموبيل كولىگى جانە كولىكتىك باقىلاۋ كوميتەتى وتاندىق كولىك بيزنەس جانە جۇكتەردى حالىقارالىق اۆتوموبيلمەن تاسىمالداۋ ماسەلەلەرى بويىنشا لوگيستيكا وكىلدەرىمەن جەرگىلىكتى جەردە كەڭەيتىلگەن كەڭەس ۇيىمداستىردى.
ءىس-شارا الماتىداعى لوگيستيكا جانە كولىك اكادەمياسىنىڭ عيماراتىندا وتۋدە. كولىك ءمينيسترىنىڭ جەلتوقسان ايىندا مەگاپوليس تۇرعىندارىمەن كەزدەسۋىندە بەرگەن ۋادەسىنە سايكەس قازاقستاننىڭ بارلىق وڭىرىنەن تاسىمالداۋشىلار شاقىرىلدى.
كەزدەسۋ بارىسىندا كاسىپكەرلەرگە، ساراپشىلارعا جانە سالالىق قاۋىمداستىقتاردىڭ (Kazlogistics، KazATO) جانە «اتامەكەن» اەس وكىلدەرىنە قازاقستاندىق تاسىمالداۋشىلار اراسىندا شەتەلدىك رۇقسات بلانكىلەرىن تاراتۋدىڭ جاڭا ءتارتىبى تانىستىرىلدى.
تاقىرىپتى تالقىلاۋ اياسىندا قاتتك ءتوراعاسى التاي ءالى نارىق قاتىسۋشىلارىن كولىك ءمينيسترىنىڭ «قازاقستان رەسپۋبليكاسى ينۆەستيسيالار جانە دامۋ ءمينيسترى مىندەتىن اتقارۋشىسىنىڭ شەتەلدىك رۇقساتتار بلانكىلەرىن بەرۋدىڭ جاڭا تەتىگىن قامتيتىن «قازاقستان رەسپۋبليكاسىندا حالىقارالىق قاتىناستا اۆتوموبيل كولىگىمەن تاسىمالداۋعا رۇقسات بەرۋ جۇيەسىن قولدانۋ قاعيدالارىن بەكىتۋ تۋرالى»جوباسىن قاراستىرۋدى ۇسىندى.
دايىندالعان قۇجاتتا مەملەكەتتىك ورگان رۇقسات بلانكىلەرىن تاراتۋ جۇيەسىندەگى ەركىن باسەكەنى قامتاماسىز ەتەدى. سونداي-اق، قازاقستاندا شاعىن جانە ورتا بيزنەستى دامىتۋدى شەكتەيتىن، ياعني، كولەڭكەلى نارىقتا بلانكىلەردىڭ جاساندى تاپشىلىعىن تۋعىزاتىن ماسەلەلەردى جويادى جانە ولاردى قايتا ساتۋعا مۇمكىندىك بەرەمەيدى.
اتاپ ايتقاندا، CATTK كولىك قۇرالدارىنىڭ تاسىمالداۋ تاريحى مەن قىزمەتىنە شەكتەۋلەردى الىپ تاستاۋدى، بەلگىلى ءبىر تاپسىرىس بولعان جاعدايدا كەز كەلگەن وتاندىق تاسىمالداۋشىعا بلانكىلەردى بەرۋدى، بلانكىلەردى كولەڭكەلى نارىقتا قايتا ساتۋدىڭ بارلىق العىشارتتارىن جويۋدى، بلانكىلەردى بەرۋ تۋرالى شەشىمدەر قابىلداۋ ۇدەرىستەرىنەن كولىكتىك باقىلاۋ ينسپەكسيالارىن الىپ تاستاۋ، سونداي-اق بلانكىلەردى پايدالانۋدى قاشىقتىقتان باقىلاۋدى ەنگىزۋ.
سونىمەن قاتار نارىق قاتىسۋشىلارىمەن حالىقارالىق جۇك تاسىمالداۋدىڭ باسقا دا پروبلەمالىق ماسەلەلەرى دە اشىق تالقىلانۋدا.