تولەمدەرى بويىنشا ستاۆكالار وزگەرىسسىز قالدى، الايدا 2024 جىلدىڭ 1 قاڭتارىنان باستاپ ەلىمىزدە ەڭ تومەنگى جالاقى (ەتج) مولشەرى وزگەردى. بۇل بىرنەشە تولەمنىڭ كولەمىنە اسەر ەتتى.
الەۋمەتتىك مەديسينالىق ساقتاندىرۋ قورى بيىل ءبىز مەدساقتاندىرۋعا قانشا تولەيتىنىمىز جونىندە حابار تاراتتى. جۇمىس بەرۋشىلەر قىزمەتكەرگە جالاقىنىڭ 3% مولشەرىندە اۋدارىم جاسايدى، دەپ حابارلايدى اlmaty-akshamy.kz. وسى ورايدا سالىق سالىناتىن اي سايىنعى تابىس 10 ەتج-دان (2024 ج. 850 000 تەڭگە) اسپاۋعا ءتيىس، ياعني جۇمىس بەرۋشىنىڭ ەڭ جوعارى تولەنەتىن سوماسى ايىنا 25 500 تەڭگە. بۇل قاراجات قىزمەتكەردىڭ جالاقىسىنان ۇستالمايدى، ونى جۇمىس بەرۋشى كاسىپورىن ەسەبىنەن تولەيدى. ال جالدامالى جۇمىسكەرلەر مەن قىزمەتكەرلەر مامس-كە اي سايىنعى تابىسىنىڭ 2% مولشەرىندە جارنا تولەيدى. سالىق سالۋ وبەكتىسى بارلىق جۇمىس ورىندارىنان ايىنا 10 ەتج (2024 ج. 850 000 تەڭگە) اسپاۋى ءتيى. قىزمەتكەردىڭ جالاقىسىنا قاراي، تولەيتىن ەڭ جوعارى جارناسى 17 000. جەكە كاسىپكەرلەر 1،4 ەسەلەنگەن ەتج-دان 5% تولەيدى. 2024 جىلى: (1،4 * 85 000) * 5% = 5 950 تەڭگە. ەگەر جەكە كاسىپكەر ەسەپتەمەنى «نولمەن» تاپسىرسا، قىزمەتىن رەسمي تۇردە توقتاتپاسا، وندا ول سالىق كودەكسىنىڭ تالابىنا ساي جارنا تولەۋدى جالعاستىرۋى كەرەك. ايتپەسە، قارىز پايدا بولادى. دەربەس تولەۋشىلەر ەڭ تومەنگى جالاقىنىڭ 5% كولەمىندە، ياعني 4 250 تەڭگە جارنا تولەيدى. 1 قاڭتاردان ءوزىن-وزى جۇمىسپەن قامتىعاندارعا ەكى ءتاسىل ۇسىنىلادى: - جەكە كاسىپكەر رەتىندە تىركەلۋ جانە جارنانى جك رەتىندە تولەۋ؛ - جارنانى دەربەس تولەۋشى رەتىندە تولەۋ.