الماتى وبلىسىنىڭ تجد 11-14 قاڭتار ارالىعىندا الماتى وبلىسىنىڭ تاۋلارىندا قار كوشكىنى ءجۇرۋى مۇمكىن ەكەنىن ەسكەرتتى، دەپ حابارلايدى اlmaty-akshamy.kz.
دەپارتامەنت ازاماتتار مەن تۋريستەردى قار كوشكىنى تۋىنداۋى مۇمكىن بولعاندىقتان قارلى بەتكەيلەرگە شىقپاۋعا، تاۋلى جەرلەردە بارلىق قاۋىپسىزدىك شاراسىن ساقتاۋعا شاقىردى.
«الماتى وبلىسىنىڭ اۋماعىندا ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 55 كوشكىن ءقاۋپى بار ۋچاسكە بار. نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى»، - دەپ حابارلادى تجد-دا.
سونداي-اق ۆەدومستۆوداعىلار تۇراقسىز اۋا رايىنا بايلانىستى جانە ادامداردىڭ جاراقاتتانۋى مەن ءولىمىن الدىن الۋ ماقساتىندا سۋ ايدىندارىنىڭ بەتىندەگى جۇقا مۇزدىڭ ۇستىمەن جۇرمەۋ كەرەك ەكەنىن ەسكەرتتى.