اۆتوكولىك جولدارىنىڭ قۇرىلىسىندا مىندەتىن ادال اتقارماعان بارلىق كومپانيا زاڭ بويىنشا جاۋاپقا تارتىلادى.
بۇل تۋرالى بۇگىن قازاقستان حالقىنا جولداۋىن جاريالاۋ كەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«اۆتوكولىك جولدارىنىڭ قۇرىلىسى ماسەلەسى شەشىمىن تابۋعا ءتيىس. ءقازىر ونىڭ ساپاسى سىن كوتەرمەيدى. ءتيىستى جۇمىستار ۋاقتىلى جانە ساپالى جاسالمايدى. جەمقورلىق بەلەڭ الىپ تۇر، باسەكە دە جوقتىڭ قاسى. مۇنىڭ ءبارى – وسى سالادا ابدەن تامىر جايعان كەمشىلىكتەر»، - دەدى قاسىم-جومارت توقايەۆ.
بۇل تۇرعىدا پرەزيدەنت جىل سوڭىنا دەيىن ناقتى شارالار قابىلداۋدى تاپسىردى.
«مىندەتىن ادال اتقارماعان بارلىق كومپانيا زاڭ بويىنشا جاۋاپقا تارتىلادى. بۇل ماسەلەگە مەن باسا نازار اۋدارامىن. باقىلاۋدى كۇشەيتىپ، جاڭا نورماتيۆتىك قۇجاتتار قابىلداۋ كەرەك. 2029 جىلعا دەيىن 4 مىڭ شاقىرىمنان استام جولعا كۇردەلى جوندەۋ جۇرگىزۋ قاجەت»، - دەدى مەملەكەت باسشىسى.