سايكەستەندىرۋ بەلگىلەرى جوق پوليسيا كولىگىنىڭ سالونىندا اۆتوماتتى كامەرالار ورناتىلدى.
ق ر ءىىم اكىمشىلىك پوليسيا كوميتەتىنىڭ ءتوراعاسى قايسار سۇلتانبايەۆتىڭ ايتۋىنشا، قالا سىرتىنداعى جولداردى قامتۋ ماقساتىندا "جاسىرىن" پاترۋلدەۋ ەنگىزىلگەن، دەپ حابارلايدى aqshamnews.kz
"ەلدى مەكەندەردىڭ ىشىندە وسى تەكتەس كامەرالار اۆتوبۋستاردىڭ سالوندارىندا جانە جەدەل جاردەم كولىكتەرىنە دە ورناتۋ جوسپارلانىپ وتىر. بۇل كولىك جۇرگىزۋ مادەنيەتىن ارتتىرۋعا جانە جازانىڭ بۇلتارتپاۋشىلىق ءپرينسيپىن قامتاماسىز ەتۋگە مۇمكىندىك بەرەدى"،- دەدى رەسمي وكىل.
سونداي-اق، ول ءقازىر مۇنداي كولىكتىڭ 300-گە جۋىق بىرلىگى بار ەكەنىن اتاپ ءوتتى.
"ءبىر ەكيپاجدىڭ ونىمدىلىگى 15 ءپاترۋلدىڭ جۇمىسىمەن سايكەس كەلەدى. قالا سىرتىنداعى تراسسالاردا قاۋىپسىزدىك ماسەلەلەرىن شەشۋ ءۇشىن پاترۋلدىك اۆتوكولىكتەر جول ەرەجەلەرىن بۇزۋدى تىركەيتىن بورتتىق جۇيەلەرمەن جابدىقتالدى. قازىرگى ۋاقىتتا جاسىرىن پاترۋلدەۋ رەجيمىندە پوليسيانىڭ 11 اۆتوكولىگى جۇمىس ىستەيدى، جىل سوڭىنا دەيىن ولاردىڭ سانىن كوبەيتۋدى جوسپارلاپ وتىرمىز"،- دەدى ول.