اۆتوگازدىڭ شەكتى باعاسى بەكىتىلدى

ولار 2024 جىلعى 1 قاڭتاردان كۇشىنە ەنەدى.

ەنەرگەتيكا مينيسترلىگى سۇيىتىلعان مۇناي گازىن بولشەك ساۋدادا وتكىزۋدىڭ شەكتى باعالارىن بەكىتتى، دەپ حابارلايدى اlmaty-akshamy.kz.

سونىمەن وڭىرلەر بويىنشا بەكىتىلگەن شەكتى باعا:

استانا – 76 تەڭگە؛
الماتى – 81 تەڭگە؛
شىمكەنت – 64 تەڭگە؛
الماتى وبلىسى، سولتۇستىك قازاقستان وبلىسى – 81 تەڭگە؛
اتىراۋ، اقتوبە، ماڭعىستاۋ وبلىستارى – 54 تەڭگە؛
اقمولا وبلىسى، شىعىس قازاقستان وبلىسى، قوستاناي، قاراعاندى ​​وبلىسى – 76 تەڭگە؛
جامبىل وبلىسى – 71 تەڭگە؛
باتىس قازاقستان، قىزىلوردا، تۇركىستان وبلىستارى – 64 تەڭگە؛
پاۆلودار وبلىسى – 74 تەڭگە.
اباي، جەتىسۋ، ۇلىتاۋ وبلىستارى – 76 تەڭگە.

ءار وبلىستىڭ شالعاي اۋداندارى ءۇشىن (وبلىس ورتالىقتارىنان 200 شاقىرىمنان استام) شەكتى باعالار 5 تەڭگەگە جوعارى بولادى.
گازبەن جۇرەتىن كولىكتەر ارنايى بەلگى جاپسىرۋعا مىندەتتەلدى

جاڭا جىلدان باستاپ قازاقستاندىقتار گازبەن جۇرەتىن اۆتوكولىگىنە ارنايى بەلگى جاپسىرۋعا مىندەتتەلەدى.

ارنايى بەلگى – جيەگى قارا ءتۇستى جانە "GAS" دەگەن جازباسى بار سارى تەڭبۇيىرلى ءۇشبۇرىش.
گازبەن جۇرەتىن، ءبىراق كولىگىندە "GAS" بەلگىسى جوق جۇرگىزۋشىلەرگە 3 اەك نەمەسە 11 076 تەڭگە ايىپپۇل سالىنادى.

ساۋدا مينيسترلىگىنىڭ اقپاراتىنشا، ەلىمىزدە گاز باللون جابدىعى ورناتىلعان 380 مىڭنان استام اۆتوكولىك تىركەلگەن.