2024 جىلى قالالارعا كىرەتىن جانە ودان شىعاتىن جولدارعا بەينەكامەرالار ورناتىلادى.
ولار اۋىر جۇك كولىكتەرىنە ارتىق سالماق ءۇشىن اۆتوماتتى تۇردە ايىپپۇل سالادى. سونداي-اق 220 كامەرانى "سەرگەك" بەينەباقىلاۋ جۇيەسىمەن بىرىكتىرۋ جوسپارلانىپ وتىر، دەپ حابارلايدى اlmaty-akshamy.kz.
بۇدان بولەك كولىك مينيسترلىگى بولىنبەيتىن اۋىر جۇكتەردى تاسىمالداۋعا رەسمي ارنايى رۇقساتتار بەرۋ جانە ساموسۆالداردىڭ جولدارمەن قوزعالىسىن شەكتەۋ تەتىكتەرىن پىسىقتاپ جاتىر. ەگەر مينيسترلىكتىڭ ۇسىنىسى ۇكىمەت پەن پارلامەنتتە قولداۋ تاپسا، ارتىق جۇكتىڭ شەگى مەن اقىسى بەكىتىلەدى.
سونىمەن قاتار اۋىر كارەرلىك جۇك كولىكتەرىنە 2025 جىلدىڭ اياعى مەن 2026 جىلدىڭ باسىندا قازاقستاندىق جولدارمەن جۇرۋىنە تىيىم سالىنادى.