بۇعان دەيىن شەكتى باعالاردىڭ مەرزىمى 1 قاڭتارعا دەيىن بولعان.
باسەكەلەستىكتى قورعاۋ اگەنتتىگى سۇيىتىلعان گازدىڭ باعاسىن مەملەكەتتىك رەتتەۋ شارالارى تاعى جارتى جىلعا ۇزارتىلعانىن مالىمدەدى، دەپ حابارلايدى Almaty-akshamy.kz
29 جەلتوقساندا كۇشىنە ەنگەن بۇيرىققا سايكەس، اۆتوگاز قۇيۋ ستانسيالارىندا سۇيىتىلعان مۇناي گازىن بولشەك ساۋدادا وتكىزۋگە باعا جاعىنان ۋاقىتشا مەملەكەتتىك رەتتەۋ 2023 جىلدىڭ 30 ماۋسىمىنا دەيىن ۇزارتىلادى.
مەملەكەتتىك رەتتەۋ اياسىندا رەسپۋبليكاداعى اۆتوگاز قۇيۋ ستانسيالارىندا سۇيىتىلعان مۇناي گازىنىڭ بولشەك ساۋداسى ءليترى ءۇشىن 50-75 تەڭگە قۇرايدى.
شەكتى باعا ءاربىر ايماقتا ءارتۇرلى:
استانادا – ليترىنە 70 تەڭگە؛
الماتىدا – ليترىنە 65 تەڭگە؛
اقتوبە، اتىراۋ مەن ماڭعىستاۋ وبلىستارىندا - ليترىنە 50-55 تەڭگە؛
اقمولا، الماتى، قوستاناي، قاراعاندى، پاۆلودار، سولتۇستىك قازاقستان، جەتىسۋ مەن ۇلىتاۋ وبلىستارىندا – ليترىنە 70-75 تەڭگە؛
شىعىس قازاقستان، باتىس قازاقستان، قىزىلوردا، تۇركىستان مەن اباي وبلىستارىندا – ليترىنە 60-65 تەڭگە.