بۇل ەنەرگەتيكا ءمينيسترىنىڭ قازاقستاندىقتارعا مەرەكە قارساڭىندا ايتقانى.
بولات اقشولاقوۆ مەرەكەدە ەلەكتر ەنەرگياسىن ۇنەمدەۋگە كەڭەس بەردى، دەپ حابارلايدى Almaty-akshamy.kz
ەنەرگەتيكا ءمينيسترى بولات اقشولاقوۆ ەلىمىزدىڭ ەنەرگەتيكالىق جۇيەسىندە تاپشىلىق بولىپ جاتقانىن ايتتى.
ونىڭ ايتۋىنشا، قازاقستاندىق ەنەرگەتيكا جۇيەسىندەگى تاپشىلىق رەسەيدەن كەلەتىن اعىنمەن بايلانىستى، كەشكى جانە تاڭعى ۋاقىتتا كوپ پايدالانعاننان بولادى.
«بىرنەشە كۇن مەرەكە جانە دەمالىس بولعان كەزدە ەلەكتر ەنەرگياسىن پايدالانۋ ارتادى. سوندىقتان ەلەكتر قۇرىلعىلارىنا اباي بولۋ ۇسىنىلادى. اقىلعا قونىمدى تۇتىنۋ كەرەك. كەيبىر ەلەكتر قۇرىلعىلارىن قوسۋلى كۇيىندە قالدىرۋدىڭ قاجەتى جوق بولسا، وشىرگەن دۇرىس»، - دەدى ەنەرگەتيكا ءمينيسترى بولات اقشولاقوۆ.
بۇل رەتتە ول قازاقستاننىڭ ەنەرگەتيكا جۇيەسى ماكسيمالدى تۇتىنۋدى وتەي الاتىنىن، تاپشىلىققا بايلانىستى ەلەكتر قۋاتىنىڭ ۇزىلمەيتىنىن ايتتى.