36 وفيسەر قابىلدانعان
«كەز-كەلگەن ەر ەل قورعاۋعا دايىن بولۋ كەرەك». بۇل – وتىز كۇن بويى اسكەري پوليگوندا پاتريوتتىق سەزىمىن سىناپ، ساربازدىق سەرتىنە ادال قىزمەت ەتىپ جاتقان وفيسەرلەردىڭ ۇرانى. ەلدىڭ قورعانىس مينيسترىلىگىنىڭ قولداۋىمەن اسكەري دايىندىق جۇمىسى ءتورتىنشى جىل ءوتىپ كەلەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
وفيسەرلەر 30 كۇندىك وقۋ جاتتىعۋدا جەدەل تاكتيكالىق دايارلىقتى، اكس 74، پم-9 تاپانشىسانان نىساناعا كوزدەپ اتۋدى ۇيرەنەدى. باستى ماقسات – وتانعا قىزمەت ەتۋ. № 61993 اسكەري ءبولىمىنىڭ ىلە وقۋ پوليگونى بازاسى 24-پەن 50 جاس ارالىعىنداعى كەز-كەلگەن قازاقستان ازاماتىن اسكەري ۇرىسقا جاتتىقتىرادى.
«بۇل جەرگە كەلۋدەگى باستى ماقساتىم بىلىكتىلىكتى ارتتىرۋ، اسكەري شەنىن الۋ. تاكتيكالىق وقۋ-جاتتىعۋدان بىلىكتىلىگىم كىشكەنە از بولعان. ءقازىر كوتەرىلدى، تاعى دا جەتىلدىرەمىن»، – دەدى جاۋىنگەر-لەيتەنانت ايدىن سۇرانشييەۆ.
كەڭسەسىن كازارماعا اۋىستىرىپ، پورتفەلىن تاستاپ پوليگونعا كەلگەن ەرىكتى وفيسەرلەر بۇنداي تاكتيكالىق دايارلىقتان ءاربىر ازامات ءوتۋى كەرەك دەپ سانايدى. ويتكەنى 2019 جىلدان باستالعان اسكەري-جاتتىعۋ جۇمىستارى كەز-كەلگەن ماماندىق يەسى قاتىسا الادى.
«وتاندى قورعاۋ ءۇشىن ەشقاشان كەش تەمەس. مەنىڭ جاسىم ەلۋدە. ءبىراق ق ر اتا زاڭىندا دا ايتىلعانداي الپىسقا كەلسەڭ دە وتانىڭدى قورعاۋعا مىندەتتىسىڭ. سوندىقتان مەن دە وقۋ-جاتتىعۋ الاڭىندامىن»، – دەدى زاپاستاعى مايور داۋلەت اسىلبەكوۆ.
بيىل بۇل وقۋ-جاتتىعۋعا 36 وفيسەر قابىلدانعان. ولاردىڭ جۇمىس ورنىنا ارنايى انىقتاما جىبەرىلىپ، ءتىپتى جالاقىسى دا ساقتالادى ەكەن. ءبىر ايلىق دايىندىق بىتكەسىن، ءار ازامات قايتا بارىپ جۇمىسىن جالعاستىرا الادى.
«ىلە وقۋ پوليگونى بازاسىندا ق ر قۇرلىق اسكەري دەسانت شابۋىلداۋشى اسكەرلەرىنىڭ قولباسشىنىڭ باسقارماسىمەن بەكىتىلگەن 26-شىلدە مەن 26- تامىز ارالىعىندا اسكەري جيىن وتكىزۋ جوسپارعا ساي ءوتىپ جاتىر»، – دەدى № 61993 اسكەري ءبولىم كومانديرىنىڭ ورىنباسارى، پودپولكوۆنيك راسۋل زاكيروۆ.
اسكەري قىزمەت جانە اسكەري قىزمەتشىلەردىڭ مارتەبەسىن ارتتىرۋعا باعىتتالعان باستامادا، 4 جىلدىڭ ىشىندە 100-گە جۋىق ازامات اسكەري دايىندىقتان وتكەن. دەسانتشى شابۋىلداۋشىلار كەلەر جىلى دا ەرىكتى ازاماتتاردى قابىلداۋعا دايىن.