بۇگىن سوتتىڭ قاۋلىسى شىقتى.
الماتىدا سوقتىعىسقان اۆتوبۋستاردىڭ ءبىرىنىڭ جۇرگىزۋشىسى قاماۋعا الىندى، دەپ حابارلايدى Almaty-akshamy.kz قالالىق سوتتىڭ باسپا ءسوز قىزمەتىنە سىلتەمە جاساپ.
«سوتقا دەيىنگى تەرگەۋ ورگاندارىنىڭ كۇدىكتى ا-عا قاتىستى 2 ايعا كۇزەتپەن ۇستاۋ تۇرىندەگى بۇلتارتپاۋ شاراسىن قولدانۋ تۋرالى ءوتىنىشى سانكسيالاندى. الماتى قالاسى تەرگەۋ سوتىنىڭ قاۋلىسى 11 قاراشادا شىقتى»، - دەلىنگەن قالالىق سوتتىڭ باسپا ءسوز حابارلاماسىندا.
قاماۋعا الۋ مەرزىمى 2023 جىلدىڭ 9 قاڭتارىنا دەيىن بەلگىلەندى.
قايعىلى وقيعا 8 قاراشادا تولە بي كوشەسى مەن ابىلاي حان داڭعىلىنىڭ قيىلىسىندا بولعان ەدى.
201ء-شى باعدارداعى اۆتوبۋس ەكىنشى قوعامدىق كولىكتى بۇيىرىنەن سوققان. سالدارىنان 21 ادام مەديسينالىق كومەككە جۇگىنىپ، 1 ادام وقيعا ورنىندا قايتىس بولدى. 9 ادام اۋرۋحانا توسەگىنە تاڭىلدى. ونىڭ ءبىرى - ون ۇشتەگى ءجاسوسپىرىم.