ينۆەستورلار قازاقستاندا اۆتوبولشەكتەر ءوندىرىسىن دامىتۋعا 410 ملرد تەڭگە بولمەك، دەپ حابارلايدى اlmaty-akshamy.kz ونەركاسىپ جانە قۇرىلىس مينيسترلىگى.
وندىرىستە جەرگىلىكتى ءونىمنىڭ ۇلەسىن ارتتىرۋ تاۋاردى حالىققا قولجەتىمدى ەتەدى. بۇل وندىرۋشىگە لوگيستيكالىق شىعىنىن ازايتىپ، دايىن ءونىمنىڭ وزىندىك قۇنىنا دا اسەر ەتەدى.
كولىكتەردىڭ جەرگىلىكتى ۇلەسىن دامىتۋ ءۇشىن ءاۆتوموبيلدىڭ قۇرامداس بولىكتەرىنىڭ بازاسىن دامىتۋ كەرەك. ءقازىر قازاقستاندا گاز شىعارۋ جۇيەلەرى، بامپەرلەر، سەندۆيچ-پانەلدەر، پوليۋرەتاندى توسەنىشتەر مەن پلاستماسسا بولشەكتەر، مۋلتيمەديا، وتىرعىشتار، دوڭگەلەكتەر، شينالار، سيليندرلەردىڭ قاقپاقتارى، مەحانيكالىق بەرىلىس قوراپتارى، اككۋمۋلياتورلار شىعارۋ جوبالارى ىسكە اسىرىلىپ جاتىر، - دەدى ونەركاسىپ كوميتەتى ءتوراعاسىنىڭ ورىنباسارى شىڭعىس سۇيىنبايەۆ استانادا وتكەن «قازاقستانداعى اۆتوبولشەكتەر بازاسىن دامىتۋ مۇمكىندىكتەرى» اتتى حالىقارالىق كونفەرەنسيادا.
ونىڭ ايتۋىنشا، ەلىمىز كولىك ءوندىرىسىنىڭ كولەمىن 2024 جىلى وندىرىلەتىن اۆتوكولىكتەردىڭ جالپى كولەمىن 20%-دان 2027 جىلى 50%-عا دەيىن كەزەڭ-كەزەڭىمەن ۇلعايتۋدى كوزدەپ وتىر.