«اۆرورا» – سەنىم مەن ساپانىڭ كەپىلى

حالىقارالىق امبيسياعا يە وتاندىق برەند

ەلىمىزدە وندىرىستىك سەكتورعا باسا نازار اۋدارىلۋدا. بۇل سالاعا ايتارلىقتاي ۇلەس قوسىپ وتىرعان وتاندىق كاسىپورىنداردىڭ ءبىرى – «اۆرورا» كومپانياسى. ءوز قىزمەتىن تۇرمىستىق حيميا، كوسمەتيكالىق ونىمدەر جانە مەديسينالىق تاۋارلار ءوندىرۋ سالاسىندا جۇرگىزەتىن كاسىپورىن 15 جىلدان بەرى قازاقستان نارىعىندا جەتەكشى ورىنعا يە.

«اۆرورا» كومپانياسى 2010 جىلى قۇرىلىپ، باستاپقىدا تۇرمىستىق حيميا مەن جەكە كۇتىمگە ارنالعان ونىمدەر شىعارۋمەن اينالىستى. بىرتىندەپ ءوندىرىس اۋقىمى كەڭەيىپ، كومپانيا كوسمەتيكا جانە مەديسينالىق تاۋارلار نارىعىنا دا سالىم سالا باستادى. بۇگىندە ول كەڭ كولەمدە ءوندىرىس جۇرگىزەتىن، حالىقارالىق ستاندارتتارعا ساي ءونىم شىعاراتىن، زاماناۋي تەحنولوگيالاردى قولداناتىن كاسىپورىنعا اينالدى.

ءقازىردىڭ وزىندە «اۆرورا» ەلدەگى ءىرى ءوندىرۋشى عانا ەمەس، حالىقارالىق امبيسياعا يە وتاندىق برەند رەتىندە بەلگىلى. زاماناۋي جاڭا تەحنولوگيامەن جابدىقتاۋ كومپانيانى جوعارى وندىرىستىك قۋاتقا يە ەتكەن. بۇعان قوسا كاسىپورىننىڭ ساپانى باقىلاۋ جۇيەسى حالىقارالىق ستاندارتتارعا سايكەس كەلەدى.

ناقتى ماقسات پەن سەنىمدى قادام

كومپانيا بىرنەشە نەگىزگى باعىت بويىنشا قىزمەت اتقارادى. ناقتىراق ايتساق، تۇرمىستىق حيميا، پارفيۋمەريا جانە كوسمەتيكالىق ونىمدەردى ساتۋ. بۇل – بۇكىل وتباسىعا ارنالعان تۇرمىستىق قاجەتتىلىكتەر، ءوزىن-وزى كۇتۋگە ارنالعان تاۋارلار جانە دەزينفەكسيالىق قۇرالدار. اۆرورا ونىمدەرىنىڭ باستى ەرەكشەلىگى – ولاردىڭ ەكولوگيالىق تازالىعى مەن قاۋىپسىزدىگى. بۇل كومپانيانىڭ باستى ماقساتى تۇتىنۋشىلارعا ساپالى ءارى ادام دەنساۋلىعىنا زيانسىز ونىمدەردى ۇسىنۋعا باسا نازار اۋدارۋى. بارلىق تاۋارلار حالىقارالىق ستاندارتتارعا سايكەس مۇقيات زەرتحانالىق تەكسەرۋلەردەن ءوتىپ، جوعارى ساپا تالاپتارىنا تولىق جاۋاپ بەرەدى. سونىمەن قاتار، كليەنتتەرگە ىڭعايلى بولۋ ءۇشىن كەڭ اسسورتيمەنتتەرىن ۇسىنۋدا. ءاربىر ءونىم كۇندەلىكتى تۇرمىسقا قاجەتتىلىكتى ەسكەرە وتىرىپ تاڭدالىپ، زاماناۋي تەحنولوگيالار نەگىزىندە ازىرلەنەدى. كومپانيا ماقساتى – ادامداردىڭ ءومىرىن جەڭىلدەتەتىن، ءقاۋىپسىز ءارى ساپالى ونىمدەر ۇسىنۋ. تۇتىنۋشىلاردىڭ سەنىمى مەن قاناعاتتانۋى ماڭىزدى بولعاندىقتان كومپانيا ءۇشىن ساپا مەن ەكولوگيالىق تازالىق – باستى باسىمدىققا يە.

حالىقارالىق ساپا ستاندارتىنا ساي

كومپانيادا زاماناۋي اۆتوماتتاندىرىلعان ءوندىرىس جەلىلەرى بار. بۇل تەحنولوگيالار ءونىم ساپاسىن جاقسارتىپ قانا قويماي، ءوندىرىس تيىمدىلىگىن ارتتىرادى. ساپا باقىلاۋى بىرنەشە كەزەڭنەن تۇرادى:

شيكىزاتتى تەكسەرۋ – وندىرىستە قولدانىلاتىن بارلىق ماتەريالدار حالىقارالىق ستاندارتتارعا ساي بولۋى كەرەك.

ءوندىرىس پروسەسىن باقىلاۋ – ءاربىر ءونىم بەلگىلەنگەن تەحنولوگيالىق تالاپتارعا سايكەس جاسالادى.

قاپتامانى تەكسەرۋ – دايىن ءونىمنىڭ قاپتاماسى، تاڭبالانۋى جانە جارامدىلىق مەرزىمى مۇقيات تەكسەرىلەدى.

اۆرورا ونىمدەرى ەكو جانە حالال سەرتيفيكاتتارىنان وتكەن، بۇل ولاردىڭ ساپاسى مەن قاۋىپسىزدىگىن دالەلدەيدى. كومپانيا وكىلدەرى جاقىن ارادا تۇرمىستىق حيميانىڭ جاڭا ونىمدەرىن – «Freya»، «Qasper»، «Klarita»  سىندى جاڭا ونىمدەرىن نارىققا شىعارۋدى جوسپارلاپ وتىرعاندارىن جەتكىزدى.

 ناتيجەلى جەتىستىكتەر

كومپانيانىڭ نەگىزگى تاۋارلار جەلىلەرىنە مىنالار كىرەدى:

· Akmasept – قولدارعا ارنالعان انتيسەپتيك؛

· Avrora Home Perfume – حوش ءيىستى ديففۋزورلار؛

· Effect، Washer – تۇرمىستىق حيميا؛

· BooBoo – 2024 جىلى شىعارىلعان جاڭا بالالار سەرياسى.

 ۇتقىر ۇجىم

كومپانيانىڭ جەتىستىگى ونىڭ قىزمەتكەرلەرىنە تىكەلەي بايلانىستى. «اۆرورا» وندىرىستىك كەشەنىندە كوپتەگەن ماماندار ەڭبەك ەتەدى. سولاردىڭ بىرنەشەۋىمەن تىلدەسىپتە ۇلگەردىك.

مۋحليسا ابدۋلايەۆا، حيميك-اناليتيك:

مەن زاۋىتتا حيميك-اناليتيك بولىپ جۇمىس ىستەيمىن. جۇمىسقا كىرگەلى بەرى 7 اي ۋاقىت ءوتتى. مەنىڭ نەگىزگى مىندەتىم – وندىرىلەتىن ونىمدەرگە تولىقتاي اناليتيكالىق زەرتتەۋ جۇرگىزۋ، قاپتامانى تەكسەرۋ جانە جارامدىلىق مەرزىمىن باقىلاۋ. جۇمىس ماعان وتە ۇنايدى، جوعارى جاۋاپكەرشىلىكتى تالاپ ەتسە دە تەز ۇيرەنىپ كەتكەن جۇمىسىم بولدى.

نۇرقاجى بەكەجان، ماشينيست:

مەن بۇل زاۋىتتا 7 جىلدان بەرى جۇمىس ىستەپ كەلەمىن. مەنىڭ مىندەتىم – وندىرىستىك جابدىقتاردى قوسۋ، ءوشىرۋ، ىسكە قوسۋ جانە ماتريسالاردى اۋىستىرۋ. مەن ارنايى وقۋ ورنىن بىتىرمەسەم دە، وسى سالادا جۇمىس ىستەۋ ماعان قاتتى ۇنايدى. كاسىبي تۇرعىدان دامۋعا مۇمكىندىك كوپ.

قىزمەتكەرلەردىڭ پىكىرى «اۆرورا» كومپانياسىنىڭ جۇمىس جاعدايىنىڭ جوعارى دەڭگەيدە ەكەنىن كورسەتەدى.

«اۆرورا» كومپانياسى قازاقستان نارىعىندا سەنىمدى ءارى ساپالى ءونىم ءوندىرۋشى ەكەندەرىن جانە باستى باسەكەلەستىك ارتىقشىلىقتارى: جوعارى ساپا، قولجەتىمدى باعا، ەكولوگيالىق قاۋىپسىزدىك، جاڭاشىلدىق ەكەنىن كورسەتتى.

كومپانيا قازاقستانداعى ەڭ ءىرى جانە سەنىمدى وندىرىستىك كاسىپورىنداردىڭ ءبىرى. ول زاماناۋي تەحنولوگيالاردى، جوعارى ساپالى شيكىزاتتى جانە كاسىبي مامانداردىڭ ەڭبەگىن بىرىكتىرە وتىرىپ، تۇتىنۋشىلارعا ەڭ ساپالى ونىمدەردى ۇسىنۋدا. كومپانيانىڭ الەۋمەتتىك جاۋاپكەرشىلىگى، قىزمەتكەرلەرگە جاسايتىن قولايلى جاعدايلارى جانە ۇزدىكسىز دامۋعا دەگەن ۇمتىلىسى – ونىڭ تابىستى دامۋىنىڭ باستى فاكتورلارى.