وسى اپتادا قالامىزدا بولعان ماڭىزدى جاڭالىقتارعا شولۋ.
زاڭسىز ساۋداعا جول جوق!
الماتىنىڭ مەدەۋ اۋدانىندا 13 زاڭسىز دۇڭگىرشەك ءسۇرىلدى. بۇل شارا الماتى قالاسىنىڭ اكىمى ەربولات دوسايەۆتىڭ تاپسىرماسىمەن اكىمدىك باستاماسىمەن جۇرگىزىلگەن زاڭسىز دۇڭگىرشەكتەردى جويۋ ناۋقانى اياسىندا جۇزەگە اسىرىلدى. بۇزۋ جۇمىستارى 2025 جىلى 15 ناۋرىزعا دەيىن تولىق اياقتالادى.
عىلىم سالاسىنداعى نازىك جاندىلار ماراپاتتالدى
حالىقارالىق ايەلدەر كۇنى قارساڭىندا قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسىنىڭ ۇلتتىق عىلىم اكادەمياسى العاش رەت وتاندىق ايەل-عالىمدارعا ارنالعان اكادەميك ن.بازانوۆا اتىنداعى ماراپاتتى سالتاناتتى تۇردە تابىستاۋ ءراسىمىن وتكىزدى. ءىس-شاراعا 400-گە جۋىق وتاندىق عىلىمدى دامىتۋعا ايرىقشا ۇلەس قوسقان جەتەكشى ايەل-عالىمدار، عىلىمي قىزمەتكەرلەر، وقىتۋشىلار مەن جوعارى وقۋ ورىندارىنىڭ، عىلىمي ۇيىمداردىڭ باسشىلارى قاتىستى.
بەرسەڭ بەر باسپاناڭدى...
14-26 ناۋرىز ارالىعىندا 35 جاسقا دەيىنگى قالا جاستارى ءۇشىن «الماتى جاستارى» باعدارلاماسى اياسىندا جەڭىلدەتىلگەن تۇرعىن ءۇي نەسيەلەرىن الۋ بويىنشا ءوتىنىشتى قابىلداۋ باستالادى.
باعدارلاماعا قاتىسۋعا ءوتىنىشتى www.almaty-zhastary2025.kz رەسمي سايتى ارقىلى بەرۋگە بولادى، اۆتوريزاسيا ەلەكتروندىق سيفرلىق قولتاڭبا (ەسق) ارقىلى جۇزەگە اسىرىلادى.
قىستىڭ ءسانى – سىرعاناق
الماتىدا قىسقى ماۋسىمدا تەگىن مۇز ايدىندارىنا 300 مىڭنان استام ادام كەلگەن. جەلتوقسان مەن ناۋرىز ارالىعىندا قالا تۇرعىندارى مەن قوناقتارى ءۇشىن 12 تەگىن مۇز ايدىنى بولدى. بۇقارالىق سپورتتى دامىتۋعا جانە قالا تۇرعىندارىنىڭ بوس ۋاقىتىن ۇيىمداستىرۋعا باعىتتالعان بۇل جوبا 2017 جىلدان باستاپ جۇزەگە اسىرىلۋدا. وسى ۋاقىت ىشىندە اشىق مۇز ايدىندارىنا 2 ميلليوننان استام ادام كەلدى.
الماتىدا 8 ناۋرىز قالاي تويلانادى؟
حالىقارالىق ايەلدەر كۇنى مەرەكەسى قارساڭىندا قالا تۇرعىندارى مەن قوناقتارى كونسەرتتەر، كورمەلەر، تەاتر قويىلىمدارى جانە شىعارماشىلىق كەزدەسۋلەردى تاماشالاي الادى.
6 ناۋرىز كۇنى ساعات 11:00-دە احمەت بايتۇرسىن ۇلى مۋزەي-ۇيىندە «الاش ارىستارى جۇبايلارى» اتتى تانىمدىق ءدارىس وتەدى. ءىس-شاراعا الاش ارىستارى ۇرپاقتارى ايمان بايسالوۆا، مەرۋەرت باكىباي قىزى، جانارا سۇلەيمانوۆا، جازيرا ارعىن جانە زەرتتەۋشى عالىم قىزدار سۆەتلانا سماعۇلوۆا، بەكزادا قوجەكەيەۆا، گۇلجاھان وردا، مۋزەي قىزمەتكەرلەرى، جوو ستۋدەنتتەرى، قالا تۇرعىندارى مەن قوناقتارى قاتىسادى. جيىندا الاش قايراتكەرلەرى جۇبايلارىنىڭ ءرولى مەن ولاردىڭ ومىرلىك سەرىكتەرىنە ىقپالى تالقىلانادى. كونفەرەنسيادا سيرەك تاريحي مالىمەتتەر مەن جاڭا زەرتتەۋلەر ۇسىنىلادى.
6 ناۋرىزدا ساعات 15:00-دە، الماتى مۋزەيىندە «ءداستۇر. ونەر. ادەمىلىك» اتتى كورمە اشىلادى. مۇندا مۋزەي قورىنداعى ءداستۇرلى باس كيىمدەر كوللەكسياسى مەن سۋرەتشى گۇلنار تابانوۆانىڭ جۇمىستارى قويىلادى.
7 ناۋرىزدا ساعات 18:30-دا «الاتاۋ» ءداستۇرلى ونەر تەاترىندا «اناعا تاعزىم» اتتى مەرەكەلىك كونسەرت وتەدى. ساحنادا بەلگىلى ونەرپازدار اسەت ەسجان، شاتتىق ۋاتقان، نۇربولات ۇزاقباي، دياس مۇراتحان، تىلەك بازاروۆ جانە ناريمان ءابدىراحمان ونەر كورسەتەدى.
8 ناۋرىزدا ءبىرقاتار مەرەكەلىك ءىس-شارا وتەدى. ساعات 17:00-دە ىقىلاس اتىنداعى حالىق مۋزىكالىق اسپاپتار مۋزەيىندە «ءيىرىم» توبىنىڭ «الەمنىڭ سىيى – ايەلگە» اتتى كونسەرتى وتەدى. قۋىرشاق تەاترى «ماما دليا مامونتەنكا» سپەكتاكلىن قازاق تىلىندە ساعات 14:00-دە، ورىس تىلىندە ساعات 12:00-دە ساحنالايدى. اناسىز قالعان مامونتتىڭ اناسىن تابۋعا دەگەن تالپىنىسى تۋرالى اسەرلى وقيعا بالالار مەن ەرەسەكتەردىڭ جۇرەگىن جىلۋلىققا، جاناشىرلىققا بولەپ، ارماندارىنا ۇمتىلۋعا شاقىرادى.
وسى كۇنى، ساعات 19:00-دە «ارتيشوك» تەاترىندا «سامرۇق» بي ترۋپپاسى «اۋىل» قويىلىمىن ساحنالايدى. ءىس-شارا زاماناۋي حورەوگرافيا فەستيۆالى اياسىندا وتەدى.
سونىمەن قاتار، 7 جانە 8 ناۋرىزدا الماتى حالىقارالىق اۋەجايىندا الماتى قالاسىنىڭ تاريحى مۋزەيى قورىنداعى ءداستۇرلى زەرگەرلىك بۇيىمداردىڭ كوشپەلى كورمەسى ۇيىمداستىرىلادى.
الماتىدا اۋىزاشاردىڭ باعاسى قانشا؟
ايلاردىڭ سۇلتانى رامازانعا دا جەتتىك. ال بۇل ايدا ورازا ۇستاۋ – دەنى ساۋ باليعات جاسىنا تولعان ءاربىر مۇسىلمانعا پارىز.
اۋىز بەكىتكەن مۇسىلمان سارەسىن ۇيىنەن ءىشىپ شىققانمەن، قالانىڭ قاربالاس شارۋاسىمەن، قاپتاعان كولىك كەپتەلىسىمەن اۋىزاشاردا ۇيىنە جەتە الماۋى دا مۇمكىن. نەمەسە ورازا تۇتقان جاقىندارىنا اۋىزاشار بەرۋگە نيەتتەنىپ، ءبىراق ۇيىندە قوناق كۇتۋگە ۋاقىتى، مۇرشاسى بولا بەرمەيتىندەر دە بار. وسىنداي كەزدە قوعامدىق تاماقتاندىرۋ ورىندارىنا جۇگىنۋگە تۋرا كەلەدى.
الماتىدا كافە مەن رەستوران كوپ. اqshamnews.kz سايتىنىڭ ءتىلشىسى سولاردىڭ ءبىرشاماسىنا حابارلاسىپ، رامازان ايىنداعى اۋىزاشار باعاسىن بىلگەن ەدى. قالامىزدا تاماقتاناتىن ورىن كوپ بولعانىمەن، ولاردىڭ كەيبىرى ورازاعا ارناپ ءمازىر قۇرماپتى. كەرىسىنشە كەيبىر كىشىگىرىم كوفەحانالاردىڭ ءوزى اۋىزاشار جاساپ جاتقانى بار. اۋىزاشارعا ارنايى ءمازىر جاساپ، قىزمەتىن ۇسىنعانداردىڭ ءبىرقاتارىنىڭ باعاسى تومەندەگىدەي:
سەيفۋللين كوشەسى 533 مەكەنجايىندا ورنالاسقان DISCOVERY COFFEE كوفەحاناcىندا اۋىزاشار سەتتەرى 6490 تەڭگەدەن (باۋىرساق پەن قۇرما تەگىن) باستالادى.
برۋسيلوۆسكيي كوشەسى 164-تە ورنالاسقان Arsha مەيرامحاناسىندا اۋىزاشارعا ارنايى ءمازىر جاسالعان، ورتاشا چەك 4900 تەڭگە (سۋ مەن قۇرما تەگىن).
پەرۆومايسكايا پرومزونا 11 ب-دا ورنالاسقان ZERNO گاسترو-پابىندا اۋىزاشار 5500 تەڭگەدەن باستالادى.
NN GRAND HALL (كەنەسارى حان 44) مەيرامحاناسىندا اۋىزاشار باعاسى 8000 تەڭگەدەن.
RABBAT شايحاناسىندا (روزىباكييەۆ 133، ابىلايحان 24) اۋىزاشار سەتى 4500 تەڭگەدەن باستالادى.
بايتۇرسىنوۆ 98 مەكەنجايىنداعى TRENDY مەيرامحاناسىندا اۋىزاشار سەتى 5490 تەڭگە.
الماگۇل ىقشاماۋدانىنداعى «حودجا-ناسرەددين» مەيرامحاناسىندا اۋىزاشار باعاسى 7000 تەڭگە.
تولە بي 279/1 مەكەنجايىندا ورنالاسقان MUZ رەستوبارىندا اۋىزاشار باعاسى 5000 تەڭگە.
ASTORIA مەيرامحاناسىندا (اعايىندى ابدۋلليندەر كوشەسى 55) اۋىزاشار باعاسى 9000 تەڭگەدەن باستالادى.
نۇرماقوۆ كوشەسى 25-تە ورنالاسقان «شىڭعىس حان» مەيرامحانا كەشەنىندە 13500 تەڭگە.
جەتىسۋ ىقشاماۋدانىندا ورنالاسقان Korkem hall-دا اۋىازاشار باعاسى 10000 تەڭگەدەن باستالادى.
«ۇزدىك كوممۋنالدىق قىزمەتكەر» بايقاۋى جاريالاندى
قالا اكىمدىگى «الماتى – ءبىزدىڭ ورتاق ءۇيىمىز» ناۋقانى اياسىندا «ۇزدىك كوممۋنالدىق قىزمەتكەر» بايقاۋىن جاريالادى.
ءوتىنىم قابىلداۋ: 5-17 ناۋرىز
ماراپاتتاۋ: 20 ناۋرىزدان كەيىن
كىمدەر قاتىسا الادى؟ كوپقاباتتى ۇيلەر مەن اۋلالاردى كوركەيتۋمەن اينالىساتىن ۇيىمداردىڭ قىزمەتكەرلەرى.
جۇلدەلەر:
1-ورىن – 150 000 تگ
2-ورىن – 100 000 تگ
3-ورىن – 50 000 تگ (تۇرمىستىق تەحنيكا)
قالاي ءوتىنىم بەرۋگە بولادى؟ كوممۋنالدىق شارۋاشىلىق بولىمىنە (تومەندەگى e-mail ءتىزىمى) سيپاتتاما، قىزمەت كورسەتەتىن اۋماقتاردىڭ ءتىزىمى جانە دەرەكتەردى وڭدەۋگە كەلىسىم جىبەرىڭىز.
الماتىلىق رەكورد
قالاداعى حايۋاناتتار باعى كەلۋشىلەر سانى بويىنشا جاڭا رەكورد ورناتتى. سوڭعى 37 جىلدا العاش رەت ءبىر جىل ىشندە كەلۋشىلەر سانى 1 097 236 ادامعا جەتتى. حايۋاناتتار باعىندا 361 تۇرگە جاتاتىن 3 838 جانۋار بار. ولاردىڭ كۇتىمىمەن 223 قىزمەتكەر اينالىسادى.
2024 جىلى جالپى زووباققا كەلگەن حالىقتىڭ 250 مىڭى تەگىن كىردى. بيلەت باعاسى دا قولجەتىمدى: ەرەسەكتەر ءۇشىن – 800 تەڭگە، ال بالالار ءۇشىن – 300 تەڭگە.
«تازا قازاقستاننىڭ» العاشقى اپتاسى باستالدى
«تازا كوشەلەر» جوباسى اياسىندا 24 م³ اۋماقتى قامتيتىن 2 318 كوشە تازالانادى. قازىرگى ۋاقىتتا كۇن سايىن كوشەلەردەن 150 توننادان استام قوقىس شىعارىلادى. 56 جەراستى جانە 78 جەرۇستى جاياۋ جۇرگىنشىلەر وتكەلى، 1 765 ايالداما، 480 باعدارشام تازالانادى.
ءاربىر التىنشى كولىك ەكولوگيالىق باقىلاۋدان وتپەيدى
بىلتىر 204 996 ولشەۋ جۇرگىزىلىپ، 34 708 زاڭبۇزۋشىلىق انىقتالعان. الماتىدا 2024 جىلى ەكوبەكەتتەردە 205 مىڭعا جۋىق اۆتوكولىك تەكسەرىلگەن.