اۋىز سۋمەن قامتاماسىز ەتۋ جونىندەگى ينتەراكتيۆتى كارتاعا جاڭا فۋنكسيالار ەنگىزىلدى

قازاقستاندىقتار كەز كەلگەن اقپاراتتى كورە الادى. 

يندۋستريا جانە ينفراقۇرىلىمدىق دامۋ مينيسترلىگى اۋىز سۋمەن قامتاماسىز ەتۋ جونىندەگى ينتەراكتيۆتى كارتاعا وزگەرىستەر ەنگىزدى، دەپ حابارلايدى Almaty-akshamy.kz. 

«كارتاعا ازاماتتاردىڭ وتىنىشتەرىن قابىلداۋ مەن وڭدەۋدىڭ ءبىرىڭعاي پلاتفورماسى (ە-وتىنىش) ارقىلى حالىقپەن كەرى بايلانىس ورناتۋعا ارنالعان جاڭا فۋنكسيالار قوسىلدى»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا. 

مامانداردىڭ ايتۋىنشا، اۋىلداردى سۋمەن قامتاماسىز ەتۋ دەڭگەيىن مونيتورينگىلەۋ ءۇشىن مينيسترلىكپەن تۇرعىندارعا قولجەتىمدى auylsu.kz ينتەراكتيۆتى كارتاسىن ازىرلەنگەن بولاتىن. 

كارتانىڭ كومەگىمەن ءاربىر ازامات ءوزىن قىزىقتىراتىن كەز كەلگەن اقپاراتتى كورە الادى. ماسەلەن، ءوڭىردىڭ سۋمەن قامتاماسىز ەتىلۋى، قارجىلاندىرۋ، قاراجاتقا دەگەن قاجەتتىلىك، حالىق سانى تۋرالى جانە باسقا دا مالىمەتتەر جۇكتەلگەن. 

جالپى، اۋىز سۋمەن قامتاماسىز ەتۋ بويىنشا الماتى (99،1%)، اتىراۋ (99%) جانە قىزىلوردا وبلىستارى (97،8%) كوش باسىندا تۇر. دەگەنمەن ءبىرقاتار وڭىردە ارتتا قالۋشىلىق بار. اۋىز سۋمەن قامتۋدىڭ ەڭ تومەنگى دەڭگەيى قوستاناي (74،9%) جانە سولتۇستىك قازاقستان وبلىستارىندا (83،5%) بايقالادى. 

2021 جىلدىڭ قورىتىندىسى بويىنشا، اۋىل حالقى اراسىندا سۋمەن جابدىقتاۋ قىزمەتتەرىنە دەگەن قولجەتىمدىلىك 93%-دى قۇرايدى.