الاۋ ۆيرتۋالدى تۇردە لوندوننان بەيجىڭگە جىبەرىلەدى.
2022 جىلعى قىسقى پاراليمپيادا ويىندارىنىڭ الاۋ ەستافەتاسىنىڭ سالتاناتتى اشىلۋ ءراسىمى سارسەنبى كۇنى بەيجىڭنىڭ وڭتۇستىگىندەگى اسپان شىركەۋىندە وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
كوكتەمنىڭ العاشقى كۇنىندە لوندونداعى ستوك-مانديەۆيل ستاديونىندا 2022 جىلعى ويىنداردىڭ الاۋى جاعىلدى. ەستافەتانىڭ العاشقى الاۋ ۇستاۋشىسى مۇگەدەكتەر ارباسىنداعى كەرلينگتەن ەكى بريتاندىق پاراليمپيادا جۇلدەگەرى بولدى. الاۋ ۆيرتۋالدى تۇردە لوندوننان بەيجىڭگە جىبەرىلەدى.
2 ناۋرىزدا جارىستىڭ ءۇش كلاستەرىندە (بەيجىڭ، يانسين جانە چجانسزياكوۋ) الاۋ جاعىلادى جانە ءۇش الاۋ قحر استاناسىنداعى اسپان عيباداتحاناسىندا (تيانتان) ءبىر وتقا بىرىكتىرىلەدى.
پاراليمپيادالىق الاۋ ەستافەتاسى 2-4 ناۋرىز ارالىعىندا وتەدى. وعان 600-گە جۋىق الاۋگەر قاتىسادى.
جۇما كۇنى «قۇس ۇياسى» ۇلتتىق ستاديونىندا پاراليمپيادالىق الاۋ جاعىلىپ، 2022 جىلعى بەيجىڭدەگى قىسقى پاراليمپيادا ويىندارىنىڭ رەسمي باستالعانىن بىلدىرەدى.
قازاقستاننىڭ پاراليمپيادا قۇراماسىنا بەس سپورتشى كىردى، ولار شاڭعى جارىسىندا جانە بياتلوندا ونەر كورسەتەدى.
XIII قىسقى پاراليمپيادا ويىندارى بەيجىڭدە 4-13 ناۋرىز ارالىعىندا وتەدى. وعان 50 ەلدەن 700-دەن استام سپورتشى قاتىسادى. سپورتشىلار سپورتتىڭ التى تۇرىنەن 78 ءتۇرلى جارىستا ب ا ق سىنايدى.