قازاقستاندا سوڭعى جەتى جىلدا ينتەرنەت-الاياقتىق سانى 10 ەسەگە، ياعني ەكى مىڭنان 20 مىڭ قىلمىسقا دەيىن وسكەن.
بيىلدىڭ وزىندە ينتەرنەت-الاياقتار ازاماتتارعا 17،5 ملرد تەڭگەدەن استام شىعىن كەلتىردى، دەپ حابارلايدى Almaty-akshamy.kz.
Polisia.kzء-تىڭ مالىمەتىنشە، ەڭ ءجيى كەزدەسەتىن الداۋ ءتۇرى – ينتەرنەت ارقىلى “جوق” تاۋارلاردى ساتۋ نەمەسە قىزمەت كورسەتۋ كەزىندە الدىن الا تولەم الۋ (جەتى مىڭ فاكت). ەكىنشى ورىندا – بانك قىزمەتكەرلەرىنىڭ اتىنان جاسالاتىن قوڭىراۋلار (ەكى جارىم مىڭ فاكت). ءۇشىنشى ورىندا – ونلاين-قارىزداردى رەسىمدەۋ (ەكى مىڭ فاكت).
«كيبەرقىلمىستىڭ ءوسۋى جانە ونىڭ جاڭا تۇرلەرىنىڭ پايدا بولۋى تەك قازاقستان مەن تمد ەلدەرىندە عانا ەمەس، بۇكىل الەمدە بايقالادى. مۇنداي قىلمىستار ترانسشەكارالىق سيپاتقا يە. سوندىقتان دا ولاردى اشۋ قيىنعا سوعىپ جاتادى. وزدەرىڭىز بىلەتىندەي، ينتەرنەتتە شەكارا جوق. قىلمىسكەرلەر ءتۇرلى ءانونيمدى، شەت ەلدەردە ورنالاسقان سەرۆيستەردى پايدالانادى»، – دەپ اتاپ ءوتتى ق ر ءىىم كريمينالدىق پوليسيا دەپارتامەنتىنىڭ كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي.
اقپاراتتىق تەحنولوگيالار سالاسىنداعى قىلمىستاردىڭ الدىن الۋ جانە ولاردى اشۋمەن ءىىم كريمينالدىق پوليسيا دەپارتامەنتىنىڭ كيبەرقىلمىسقا قارسى كۇرەس ورتالىعى اينالىسادى.
«بيىل جۇرگىزىلگەن ءىس-شارالار ناتيجەسىندە ءۇش مىڭنان استام ينتەرنەت-الاياقتىق جاساعان 828 ادام قىلمىستىق جاۋاپكەرشىلىككە تارتىلدى. قىركۇيەك ايىندا وسكەمەندە 50-دەن استام ينتەرنەت-الاياقتىق فاكتىسىنە قاتىسى بار ءۇش كۇدىكتى ۇستالدى. ولاردان ۇيالى تەلەفوندار، نوۋتبۋكتەر تاركىلەندى. جالپى كەلتىرىلگەن شىعىن 80 ملن تەڭگەنى قۇرادى»، – دەدى سپيكەر.
جەلتوقسان ايىندا ەلوردادا پوليسەيلەر ءتورت الاياقتىق سall-ورتالىقتى انىقتادى. ءتىنتۋ ءىس-شارالارى بارىسىندا ءتارتىپ ساقشىلارى 170-تەن استام نوۋتبۋك پەن جەلىلىك جابدىقتى تاركىلەدى. مۇددەلى مەملەكەتتىك ورگاندارمەن جانە بايلانىس وپەراتورلارىمەن بىرلەسىپ، اۋىسپالى نومىرلەردەن تۇسەتىن قوڭىراۋلاردى بۇعاتتاۋ بويىنشا جۇمىس جالعاسىپ جاتىر. اعىمداعى جىلى 43 ميلليوننان استام قوڭىراۋ بۇعاتتالدى. سونىمەن قاتار 15 قاراشادان باستاپ قازاقستان تۇرعىندارىنىڭ ستاسيونارلىق تەلەفوندارىنا كەلىپ تۇسەتىن حالىقارالىق قوڭىراۋلاردى انىقتاۋ جانە بۇعاتتاۋ جۇيەسى ىسكە قوسىلدى. جۇيە ىسكە قوسىلعان ساتتەن بەرى 278 مىڭنان استام قوڭىراۋ بۇعاتتالدى. سونداي-اق قارىز الۋ راسىمدەرى sms ارقىلى راستاۋ جانە بيومەتريا جۇيەسىمەن كۇشەيتىلدى.