كىاعزي-داعى دياگنوستيكا مەن ەمدەۋدىڭ زاماناۋي ادىستەرى ىشەكتىڭ قابىنۋ اۋرۋى (ءىقا) بار پاسيەنتتەرگە اۋرۋدىڭ رەميسسياسىنا قول جەتكىزۋگە جانە ەڭبەككە قابىلەتتىلىگىن ساقتاۋعا مۇمكىندىك بەردى.
كارديولوگيا جانە ىشكى اۋرۋلار عىلىمي-زەرتتەۋ ينستيتۋتى 2023 جىلى تەراپياماماندىقتاردى، ونىڭ ىشىندە گاستروەنتەرولوگيانى دامىتۋعا باعىتتالدى. عزي ماماندارى اسقازان-ىشەك جولدارىنىڭ پاتولوگياسىن، ونىڭ ىشىندە ىشەكتىڭ قابىنۋ اۋرۋلارىن دياگنوستيكالاۋ مەن ەمدەۋدە جوعارى ءتيىمدى تەحنولوگيالاردى ازىرلەۋ جانە ەنگىزۋ بويىنشا ۇلكەن جۇمىس جۇرگىزۋدە، دەپ حابارلايدى Almaty-akshamy.kz ق ر دەناۋلىق ساقتاۋ مينيسترلىگىنە سىلتەمە جاساپ.
قازاقستاندا ءىقا اۋرۋىنىڭ ءوسۋى ءبىرىنشى جىل ەمەس. ارينە، بۇعان اۋرۋدى انىقتاۋ مەن دياگنوستيكانى جاقسارتۋ، حالىقتىڭ دياگنوستيكالىق تەحنولوگيالارعا قول جەتىمدىلىگى، مامانداردىڭ حاباردار بولۋى مەن دايارلىعىن ارتتىرۋ ىقپال ەتەدى.
اعىمداعى جىلى ينستيتۋتتا دياگنوستيكانىڭ زاماناۋي ادىستەرى ەنگىزىلدى: كرون اۋرۋى كەزىندەگى توق ىشەك ستەنوزدارىنىڭ باللوندىق ديلاتاسياسى، توق ىشەكتىڭ ءبىر باللوندىق اسسيستەنتتەلگەن ەنتەروسكوپياسى (ينتەستينوسكوپيا) - پاتولوگيالىق وزگەرىستەر ءۇشىن اش ىشەكتىڭ شىرىشتى قابىعىن تەكسەرۋگە مۇمكىندىك بەرەتىن ەندوسكوپيالىق زەرتتەۋدىڭ زاماناۋي جانە ءدال ءادىسى، مر-ەنتەروگرافيا - اش ىشەكتىڭ ەگجەي-تەگجەيلى بەينەلەرىن الۋعا مۇمكىندىك بەرەتىن اۋىرتپالىقسىز ءادىس پاسيەنتتىڭ ىشەكتىڭ قابىنۋ اۋرۋلارىن دياگنوستيكالاۋ جانە ۋاقتىلى ەمدەۋ مۇمكىندىكتەرىن ەداۋىر كەڭەيتتى.
«كرون اۋرۋى مەن ويىق جارالى كوليت ءومىر بويعى اۋرۋلارعا جاتاتىنىنا قاراماستان، ولاردى ۋاقتىلى دۇرىس دياگنوستيكالاۋ جانە ساۋاتتى ەمدەۋ ارقىلى اۋرۋدىڭ اۋىر تۇرگە وتۋىنە جول بەرمەي، تۇراقتى رەميسسياعا قول جەتكىزۋگە بولادى. وسىنىڭ ارقاسىندا ءىقا بار ادامدار تولىققاندى ءومىر سۇرە الادى، ەڭبەككە قابىلەتتىلىگىن ساقتاي الادى. قازاقستاندىقتارعا قولجەتىمدى دياگنوستيكالىق راسىمدەردىڭ كەڭ اۋقىمىنان باسقا، الەمدىك فارميندۋستريا ءىقا ەمدەۋ ءۇشىن ۇنەمى جاڭا، نەعۇرلىم ءتيىمدى پرەپاراتتاردى ازىرلەيدى. قازاقستاندا جىل سايىن وسى پرەپاراتتارمەن قامتاماسىز ەتۋ جاقسارىپ كەلەدى. 2013 جىلدان باستاپ قازىرگى زامانعى قىمبات بيولوگيالىق تەراپيانى قوسا العاندا، ءىقاپاسيەنتتەرىن ەمدەۋدى مەملەكەت وتەيدى»، - دەيدى №1 تەراپيا بولىمشەسىنىڭ مەڭگەرۋشىسى گاۋحار قوجاكەيەۆا.
«كرون اۋرۋى دياگنوزى قويىلعان پاسيەنتتە (50 جاستا) ستەنوز تۇرىندە اۋرۋدىڭ اسقىنۋى بولدى (ىشەك قۋىسىنىڭ تارىلۋى)، ول №1 تەراپيا ءبولىمشەسىندە بىرنەشە رەت ستاسيونارلىق ەم قابىلدادى. ەمدەۋدەن كەيىن اۋرۋدىڭ تۇراقتى رەميسسياسى بايقالادى. ول سونداي-اق ءبىزدىڭ بولىمشەدە ەمدەۋ كۋرسىنان ءوتتى، وندا ول بىرنەشە رەت وڭ اسەر ەتەتىن توق ىشەكتىڭ باللوندىق ديلاتاسيا ءوتتى»، - دەپ اتاپ ءوتتى ەندوسكوپيا جانە ينتەرۆەنسيالىق گاستروەنتەرولوگيا بولىمشەسىنىڭ مەڭگەرۋشىسى الما حابيجانوۆا.
پاسيەنت ءوزىنىڭ 2 جىل اۋىراتىندىعىن ايتتى. وعان دياگنوز قويا المادى، ىشەكتەن قاتتى قان كەتتى، سالماعى نەبارى 37 كگ بولدى، ال كىاعزي-دا بىردەن دياگنوز قويىلدى.
الما دارىگەرلەر گاۋحار قابدولداي قىزى مەن الما سەرىك قىزىنا العىس ايتۋدان جالىقپايدى، ولاردىڭ جوعارى كاسىبيلىگىن، قۇزىرەتتىلىگىن، جاناشىرلىعى مەن ۇقىپتىلىعىن، جانە، ارينە، دەنساۋلىعىنىڭ جاقسارعانىن اتاپ ءوتتى. «مەن ءقازىر ءتىپتى سالماق جينادىم»، - دەيدى ول.
ايتپاقشى، كلينيكادا اسقازان-ىشەك جولدارىنىڭ اۋرۋلارىن دياگنوستيكالاۋ جانە ەمدەۋ بويىنشا مەديسينالىق قىزمەتتەردى الۋعا بولادى، مىسالى: وڭەش، اسقازان، ىشەك اۋرۋلارى، باۋىر جانە ۇيقى بەزى اۋرۋلارى، اسقازان-ىشەك جولدارىنىڭ جوعارعى پاتولوگياسىنىڭ اسقىنۋلارىن دياگنوستيكالاۋ، ەمدەۋ جانە پروفيلاكتيكاسى (گاستروەزوفاگەالدىق رەفليۋكس اۋرۋى، باررەت وڭەشى، گاستريت، اسقازان مەن ۇلتاباردىڭ ويىق جارا اۋرۋى)، اسقازان-ىشەك جولدارىنىڭ پاتولوگياسى بار پاسيەنتتەردى حيرۋرگيالىق ارالاسۋعا دايىنداۋ، ستوماسى بار پاسيەنتتەردى باسقارۋ، اسقازان-ىشەك جولدارىنىڭ ىسىك پاتولوگيالارىن ەرتە دياگنوستيكالاۋ، وڭەشتىڭ ۆاريكوزدى تامىرلارىن بايلاۋ جانە تاعى باسقالار.
ينستيتۋتتىڭ جوسپارىندا زاماناۋي زەرتحانالىق قىزمەتتى دامىتۋ، ەندوسكوپيا، گەپاتولوگيا، ريەۆماتولوگيا جانە باسقا دا تەراپيالىق باعىتتارداعى مامانداردىڭ ساراپتاماسىن تەرەڭدەتۋ بار.