«ەڭبەك رەسۋرستارىن دامىتۋ ورتالىعى» اق ساراپشىلارى دايىنداعان 2050 جىلعا دەيىنگى دەموگرافيالىق بولجامعا سايكەس 2026 جىلعا قاراي قازاقستاندا جۇمىس كۇشىنىڭ سانى 9،5 ملن ادام شاماسىندا بولادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى مالىمدەدى، دەپ حابارلايدى Almaty-akshamy.kz.
«ەڭبەك رەسۋرستارىن دامىتۋ ورتالىعى» اق مالىمەتىنشە، 2028 جىلدان باستاپ جۇمىس كۇشىنىڭ سانى بەلسەندى وسە باستايدى جانە 2050 جىلعا قاراي 12 ملن ادامعا جەتەدى.
«2027 جىلعا دەيىن جۇمىس كۇشىنىڭ كورسەتكىشى وبەكتيۆتى فاكتورلارعا بايلانىستى از نەمەسە مۇلدەم وسپەيدى دەپ كۇتىلۋدە. بىزدە جۇمىس كۇشىنىڭ ازدى-كوپتى بەلسەندى ءوسۋى شامامەن 2028 جىلدان باستالادى دەپ كۇتىلۋدە. 2031 جىلعا قاراي ءبىز 10 ميلليون ادامعا، 2040 جىلعا – 11 ميلليونعا جاقىندايمىز. وسىلايشا، جۇمىس كۇشى جىلىنا شامامەن 100 مىڭ ادامعا وسەدى. 2050 جىلعا قاراي ءبىز 12 ملن ادامنان تۇراتىن دەڭگەيگە جەتەمىز، بۇل 2023 جىلمەن سالىستىرعاندا (9،256 ملن) ءوسىم 28%-دى قۇرايدى»، – دەدى ەردو بولجاۋ جانە زەرتتەۋ دەپارتامەنتىنىڭ ديرەكتورى دميتريي شۋمەكوۆ.
وڭىرلەر بويىنشا العاندا ءبىرىنشى كەزەكتە مەگاپوليستەردە، ونىڭ ىشىندە استانادا جۇمىس كۇشىنىڭ ءوسىمى كۇتىلۋدە، وندا 2050 جىلعا قاراي ءوسىم 2،4 ەسە بولۋى مۇمكىن. الماتىدا جۇمىس كۇشى ءىس جۇزىندە ەكى ەسەگە ارتادى، ماڭعىستاۋ جانە الماتى وبلىستارىندا ونىڭ سانى 80 %-عا وسەدى.