كولىك مينيسترلىگىندە كولىكتىك باقىلاۋ ينسپەكتورلارى تاراپىنان زاڭسىز ارەكەتتەر مەن ادەپسىز مىنەز-قۇلىق تىركەلگەن جاعدايدا اۋىر جۇك كولىك جۇرگىزۋشىلەرىنە قايدا قوڭىراۋ شالۋعا بولاتىندىعى ءتۇسىندىرىلدى.
جاۋاپتى ۆەدومستۆو عيماراتىندا +7(7172) 98-35-35 جانە 98-35-33 نومىرلەرى بويىنشا تاۋلىك بويى سيتۋاسيالىق-اقپاراتتىق ورتالىق جۇمىس ىستەيدى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
جاۋاپتى ۆەدومستۆو عيماراتىندا +7(7172) 98-35-35 جانە 98-35-33 نومىرلەرى بويىنشا تاۋلىك بويى سيتۋاسيالىق-اقپاراتتىق ورتالىق جۇمىس ىستەيدى، دەپ حابارلايدى aqshamnews.kz كولىك مينيسترلىگىنە سىلتەمە جاساپ.
«ەلىمىزدىڭ ءار وڭىرىندە كولىكتىك باقىلاۋ ينسپەكسياسى جۇمىس ىستەيدى. كولىك ينسپەكتورلارى كولىكتىك باقىلاۋدى جۇزەگە اسىرادى: رۇقسات بەرۋ جانە ىلەسپە قۇجاتتاردىڭ بار-جوعىن تەكسەرەدى، اۆتوكولىكتەردى ولشەپ، سالماقتىق جانە گاباريتتىك پارامەترلەردىڭ ساقتالۋىن تەكسەرەدى. كولىكتىك باقىلاۋدىڭ پروسەسى مىندەتتى تۇردە بەينە جەتونداردى پايدالانا وتىرىپ جۇرگىزىلەدى. كولىكتىك باقىلاۋ قىزمەتكەرلەرىنىڭ بەكەتتە توقتاۋ (ونىڭ ىشىندە جىلجىمالى) تۋرالى تالاپتارىن ورىنداماۋ نە كولىكتىك باقىلاۋدان وتۋدەن باس تارتۋ اكىمشىلىك جاۋاپتىلىققا اكەپ سوعادى»، - دەپ ەسكە سالدى كولىك مينيسترلىگىندە.
سونىمەن قاتار، بارلىق رەسمي شاعىمداردى، وتىنىشتەر مەن ۇسىنىستاردى +7-700-098-35-35 (WhatsApp) ءنومىرى بويىنشا جىبەرۋگە بولادى. سونداي-اق، 1403 (قازاۆتوجول ۇك بايلانىس ورتالىعى) قىسقا ءنومىرى بويىنشا حابارلاسۋعا بولادى.
ءقازىر ەلىمىزدە اۋىر جۇك كولىكتەرىن ولشەيتىن اۆتوماتتاندىرىلعان ستانسيالار كەزەڭ-كەزەڭىمەن ەنگىزىلۋدە. ولار جولدىڭ مەرزىمىنەن بۇرىن توزۋىن بولدىرماۋعا كومەكتەسەدى. كولىك قۇرالىنا شامادان تىس جۇك تيەلگەن كەزدە جۇيە اۆتوماتتى تۇردە فوتوسۋرەتكە تۇسىرەدى، ودان كەيىن بۇل اقپارات كولىكتىك دەرەكتەر بازاسىنىڭ اقپاراتتىق-اناليتيكالىق جۇيەسىنە بەرىلەدى. بۇل كولىكتى باقىلاۋ كوميتەتىنە سالماق نورمالارىن اسىرۋعا بايلانىستى قۇقىق بۇزۋشىلىقتار تۋرالى حابارلامالاردى جەدەل جىبەرۋگە مۇمكىندىك بەرەدى.4309:52