10-12 قازان ارالىعىندا شىمكەنت قالاسىندا اۋقىمدى رەسپۋبليكالىق جارىس ءوتتى.
وعان 26 كوماندادان 180 سپورتشى قاتىستى، دەپ حابارلايدى aqshamnews.kz Polisia.kz-كە سىلتەمە جاساپ.
– الماتى پوليسياسى قىزمەتتەرى مەن بولىمشەلەرىنىڭ قىزمەتكەرلەرى تاماشا ناتيجە كورسەتتى. ولاردىڭ ءارقايسىسى جەكە سايىستا جۇلدەلى ورىندارعا يە بولىپ، ءبىزدىڭ دەپارتامەنتتىڭ ماراپات قورىن تولىقتىردى. الماتى پوليسياسى قاتارىندا حالىقارالىق دارەجەدەگى سپورت شەبەرلەرى، سپورت شەبەرلەرى، سپورت شەبەرلىگىنە ۇمىتكەرلەر قىزمەت ەتەدى. قارقىندى جاتتىعۋلار مەن ولاردىڭ سپورتتىق داعدىلارىن شىڭداۋ جاۋىنگەرلەرگە ولارعا جۇكتەلگەن جەدەل جانە قىزمەتتىك مىندەتتەردى ءتيىستى كاسىبي دەڭگەيدە ورىنداۋعا كومەكتەسەدى. ءبىز ءوز سپورتشىلارىمىزدى ماقتان تۇتامىز، – دەدى الماتى قالالىق پد ارنايى جانە جۇمىلدىرۋ دايىندىعى باسقارماسىنىڭ باستىعى ەرلان ءابسادىق.
الماتىلىق ءتارتىپ ساقشىلارى سامبو كۇرەسىنەن كەلەسىدەي جۇلدەلى ورىندارعا يە بولدى: – ءبىرىنشى ورىندى الماتى قالاسى پد جقاج اعا ينسپەكتورى داۋرەن قاماش يەلەندى؛ – ەكىنشى ورىن الماتى قالاسى پد جقاج اعا ينسپەكتورى رايىمبەك ەسداۋلەتوۆقا بۇيىردى؛ – ءۇشىنشى ورىندى الماتى قالاسى پد جقاج اعا ينسپەكتورى نۇرلان ۇسەنوۆ يەلەندى؛ – الماتى قالاسى پد جقاج ينسپەكتورى تيمۋر عىلىمبەكوۆ ءۇشىنشى ورىن الدى.