اۋىر ىندەتتى ۆاكسينانىڭ كومەگىمەن عانا جەڭە الامىز − جانداربەك بەكشين

اۋىر ىندەتتى ۆاكسينانىڭ كومەگىمەن عانا جەڭە الامىز − جانداربەك بەكشين

 20-39 جاس ارالىعىندا اۋرۋ جۇقتىرعانداردىڭ مولشەرى 40 پايىزدى قۇرايدى.

«جاسىل» ايماققا كوشكەلى ءبىر اپتادان اسا ۋاقىت بولعان ەدى. ەندى  مەگاپوليس قايتادان «سارى» ايماققا كوشتى، دەپ حابارلادى Almaty-akshamy.kz. وعان قالالىقتاردىڭ ەركىنسىپ، ىندەتپەن كۇرەس جاعدايىندا ساقتىق شارالارىن ساقتاماۋى سەبەپ بولدى ما؟  بۇل جونىندە «الماتى»  تەلەارناسىنىڭ «باستى نازاردا» باعدارلاماسىندا ايتىلدى.

قالا «جاسىل» ايماققا وتەر كەزىندە اۋرۋ جۇقتىرعاندار سانى ازايدى. وعان نەگىزگى سەبەپ رەتىندە ۆاكسينا الۋدىڭ ءوز اسەرى بار. بۇل تۋرالى الماتى قالاسىنىڭ باس سانيتارى جانداربەك بەكشين ايتتى.

«قالانىڭ «جاسىل» ايماققا وتۋىنە ۆاكسينانىڭ ءوز اسەرى بولدى. ىندەت جۇقتىرعاندار سانى ازايدى. ءبىز «جاسىل» ايماققا كوشكەننەن كەيىن تۇرعىندار ەركىنسىپ، ساقتىق شارالارىن ۇمىتىپ كەتتى. بۇل دۇرىس ەمەس. كوبىنەسە، اۋرۋ كونتينگەنتتى جاس ارالىعىندا قامتيدى. 20-39 جاس ارالىعىندا اۋرۋ جۇقتىرعانداردىڭ مولشەرى 40 پايىزدى قۇرايدى. ال ەگدە جاستاعىلار ىندەتتىڭ اسەرىن جاقسى ءتۇسىندى. ۆاكسينا الىپ، وزىنە كۇتىم جاساپ ۇيرەنىپ كەلەدى. سونىڭ ارقاسىندا بۇل جاستاعىلاردىڭ اۋرۋ جۇقتىرۋى ازايدى. قالا «جاسىل» ايماقتا بولسىن دەسەك، تەك ۆاكسيناعا جۇگىنۋىمىز كەرەك. اۋىر ىندەتتى تەك ۆاكسينا الىپ قانا جەڭە الامىز»، − دەدى جانداربەك بەكشين.