قالادا 211 ەكپە سالۋ پۋنكتى جۇمىس ىستەپ تۇر. 1 257 ادامنان تۇراتىن 304 ەگۋ بريگاداسى بار.
الماتى قالاسىندا ءبىر تاۋلىكتە 5 042 ادام كوروناۆيرۋسقا قارسى ۆاكسينا سالدىردى، دەپ حابارلايدى Almaty-akshamy.kz قالالىق قوعامدىق دەنساۋلىق باسقارماسىنىڭ باسپا ءسوز قىزمەتىنە سىلتەمە جاساپ.
باسقارما تاراتقان مالىمەتكە سايكەس، 21 ماۋسىم كۇنى 5 042 الماتىلىق ۆاكسينا سالدىردى. بيىلعى جىلدىڭ 1 اقپانى مەن 21 ماۋسىم ارالىعىندا قالادا بارلىعى 380 382 ادامعا ەكپە سالىندى. قالادا 211 پۋنكت جۇمىس ىستەپ تۇر. 1 257 ادامنان تۇراتىن 304 ەگۋ بريگاداسى بار. سونىمەن قاتار، 40 كوشپەلى ءموبيلدى بريگادا ۇيىمداستىرىلدى.
«قازىرگى مەديسينالىق ۇيىمداردا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسيناسيا پۋنكتى جۇمىس ىستەيدى»، - دەپ ناقتىلادى قوعامدىق دەنساۋلىق ساقتاۋ باسقارماسى.
«قالا بويىنشا ۆاكسينانىڭ قالدىعى – ءبىرىنشى كومپونەنتتىڭ 69 168 دوزاسى جانە ەكىنشى كومپونەنتتىڭ 101 736 دوزاسى بار»، - دەپ جازىلعان باسپا ءسوز قىزمەتىنىڭ حابارلاماسىندا.