ازيا چەمپيوناتى 25 شىلدەدە مارەسىنە جەتەدى
قازاقستاندىق دەنيس پولۋبويارينوۆ 17 جاسقا دەيىنگى جاسوسپىرىمدەر اراسىندا ازيا چەمپيونى اتاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
قۇرلىقتىق دودادا ول 81 كەلىدە سىنعا ءتۇستى. ناتيجەسىندە قوسسايىستىڭ قورىتىندىسىمەن 313 كەلى (140+173) سالماقتى باعىندىردى. دەرەككوزدىڭ مالىمەتىنشە، ەندى ول 22 شىلدەدە 20 جاسقا دەيىنگى جاستار اراسىنداعى ازيا چەمپيوناتىندا ب ا ق سىنايدى. ەسكە سالساق، بۇدان بۇرىن ەل قۇراماسىنان ەدىگە ەمبەردى (73 كەلى) پەن الىشەر بايبۋروۆ (67 كەلى) التىن الدى. سونداي-اق، ارۋجان داۋلەتوۆا (71 كەلى) كۇمىس مەدالعا قول جەتكىزدى. ال ەراسىل وماروۆ (55 كەلى) پەن ازامات تولگەن (61 كەلى) قولا جۇلدەگەر اتاندى. ايتا كەتسەك، قۇرلىقتىق دودا وزبەكستان استاناسى تاشكەنت قالاسىندا ءوتىپ جاتىر. وندا 13-17، 15-20 جاس ارالىعىندا جۇلدەلەر ساراپقا سالىنادى. سوندىقتان كەيبىر سپورتشىلار ەكەۋىندە دە سىنعا تۇسەدى. قۇرلىقتىق دوداعا ۇلداردان 13، قىزداردان 9 اۋىر اتلەت باردى. ازيا چەمپيوناتى 25 شىلدەدە مارەسىنە جەتەدى.