باسەكەگە قابىلەتتى وندىرىستەر قۇرۋ
ارنايى ەكونوميكالىق ايماقتار قازاقستاننىڭ بارلىق دەرلىك وڭىرلەرىندە جۇمىس ىستەيدى. بۇگىندە ەلىمىزدە 13 اەا بار، دەپ حابارلايدى Almaty-akshamy.kz قازاقپارات-قا سىلتەمە جاساپ. بۇل تۋرالى يندۋستريا جانە ينفراقۇرىلىمدىق دامۋ مينيسترلىگى يندۋستريالىق دامۋ كوميتەتىنىڭ ءتوراعاسى ءىلياس وسپانوۆ ايتىپ بەردى. سپيكەردىڭ ايتۋىنشا، وتاندىق ارنايى ەكونوميكالىق ايماقتاردىڭ ەكونوميكانىڭ بەلگىلى ءبىر پەرسپەكتيۆالى سالالارىنا كوڭىل بولۋگە مۇمكىندىك بەرەتىن سالالىق ەرەكشەلىگى بار.
«وتاندىق اەا ۇزارتۋ قۇقىعىمەن 25 جىلعا قۇرىلادى جانە ەل اۋماعىندا جوعارى تەحنولوگيالىق جانە باسەكەگە قابىلەتتى وندىرىستەر قۇرۋ ماقساتىندا وتاندىق جانە شەتەلدىك ينۆەستيسيالاردى، تەحنولوگيالاردى، قۇزىرەتتەردى تارتۋ ءۇشىن دايىن وندىرىستىك الاڭ بولادى. قازىرگى ۋاقىتتا ەل اۋماعىندا 13 اەا جۇمىس ىستەيدى، ولار بارلىق وڭىرلەردە قۇرىلعان»، - دەدى ءىلياس وسپانوۆ ورتالىق كوممۋنيكاسيالار قىزمەتىندە.
اەا قاتىسۋشىلارى ءۇشىن ارنايى قۇقىقتىق رەجيم قولدانىلادى، ولار - سالىق مىندەتتەمەسىنەن بوساتۋ، كەدەندىك باجدان بوساتۋ، ينجەنەرلىك-كوممۋنيكاسيالىق ينفراقۇرىلىمى بار دايىن وندىرىستىك الاڭ ۇسىنۋ جانە كۆوتالار مەن شەكتەۋلەردەن تىس شەتەلدىك جۇمىس كۇشىن تارتۋ مۇمكىندىكتەرى.
«بۇگىنگى تاڭدا وتاندىق اەا ينۆەستيسيا قورجىنىندا 21 مىڭنان استام جۇمىس ورنى قۇرىلعان، 1،2 ترلن تەڭگەگە شامامەن 315 جوبا ىسكە اسىرىلعان. جوبالار ەكونوميكانىڭ بارلىق بازالىق سالالارىندا ۇسىنىلعان جانە قوسىلعان قۇنى جوعارى جانە كۇردەلى تاۋارلاردى وندىرۋگە باعىتتالعان»، - دەپ تولىقتىردى كوميتەت ءتوراعاسى.