اۋىلدىقتارعا سكرينينگ جۇرگىزەتىن پيلوتتىق جوبا باستالادى

بۇل تەكسەرۋگە 18 جاستان باستاپ اۋىل تۇرعىندارى قارالۋىنا بولادى.

دەنساۋلىق ساقتاۋ مينيسترلىگى قىركۇيەكتىڭ ورتاسىنان باستاپ اۋىل حالقىنا سكرينينگ جۇرگىزۋ بويىنشا پيلوتتىق جوبانى ىسكە قوسادى، دەپ حابارلايدى Almaty-akshamy.kz

ۆەدومستۆو مالىمەتىنشە، 18 جاستان باستاپ جاڭا نىسانالى توپتاردى انىقتاۋ ارقىلى اۋىل تۇرعىندارىن سكرينينگپەن قامتۋدى ۇلعايتۋ تاسىلدەرى قايتا قارالدى.

«بۇرىن اۋىل جاستارى 30 بەن 70 جاس ارالىعىنداعى ادامدارعا جۇرگىزىلەتىن سكرينينگتىك تەكسەرۋلەردەن تىس قالاتىن. ەندى اۋىلداردا نىسانالى توپتار ايقىندالدى. ولار: «جاستار» – 18-دەن 29 جاسقا دەيىن، «ەڭبەك – 1» – 30-دان 44 جاسقا دەيىن، «ەڭبەك-2» – 45-تەن 65 جاسقا دەيىن جانە «زەينەتكەر» – 66 جاستان اسقاندار»، – دەيدى دەنساۋلىق ساقتاۋ ءمينيسترى اجار عينيات.

ءمينيستردىڭ ايتۋىنشا، بيىل قىركۇيەك ايىنىڭ ورتاسىندا اۋىل حالقىنا سكرينينگ جاساۋ بويىنشا پيلوتتىق جوبا باستالادى. ول ەڭ الدىمەن قاراعاندى (اباي اۋداندىق ورتالىق اۋراحاناسى)، اقمولا (ارشالى اۋداندىق ورتالىق اۋراحاناسى) جانە الماتى وبلىسىندا ( ەڭبەكشىقازاق اۋدانىنىڭ ورتالىق اۋرحاناسى) ىسكە قوسىلادى. كەيىنىرەك بۇل تاجىريبە باسقا وڭىرلەردە كەزەڭ-كەزەڭمەن ەنگىزىلەدى.