بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى قالالىق ەنەرگەتيكا جانە سۋمەن جابدىقتاۋ باسقارماسىنىڭ باسشىسى سانجار الين ايتتى، دەپ حابارلايدى اlmaty-akshamy.kz.
ەلەكترمەن سەنىمدى جابدىقتاۋدى قامتاماسىز ەتۋ ماقساتىندا باسقارما 10 جوبا (الاتاۋ، جەتىسۋ، مەدەۋ جانە تۇركسىب اۋداندارى) بويىنشا جۇمىستار جۇرگىزۋدە، ونىڭ ىشىندە اعىمداعى جىلى 4 جوبا اياقتالادى، قالعان جوبالار 2023 جىلى اياقتالادى.
«ءقازىر ءىرى ەنەرگونىساندار سالىنىپ جاتىر: 400 مىڭ تۇتىنۋشىنى قامتيتىن ەكى قوسالقى ستانسيانىڭ – «الماگۇل» جانە «تۇزدىباستاۋدىڭ» قۇرىلىسى ءىرى وبەكتىلەردىڭ ءبىرى بولىپ تابىلادى. «الماگۇل» قوسالقى ستانسياسىنىڭ قۇرىلىسىن جىل سوڭىنا دەيىن، ال «تۇزدىباستاۋ» قوسالقى ستانسياسىنىڭ قۇرىلىسىن كەلەسى جىلدىڭ شىلدەسىنە دەيىن اياقتاۋ جوسپارلانىپ وتىر»، - دەپ حابارلادى س. الين.
الاتاۋ جانە بوستاندىق اۋداندارىندا 5 جوبا ازىرلەنۋ ساتىسىندا، ونىڭ مەملەكەتتىك ساراپتاما قورىتىندىسىن وسى جىلدىڭ سوڭىنا دەيىن الۋ جوسپارلانعان.
وكق سپيكەرى تاعى ءبىر باعىت – مەگاپوليستە سىرتقى جارىقتاندىرۋدى ورناتۋ تۋرالى ايتتى.
«قالانىڭ اۋداندىق اكىمدىكتەرى 511 جارىقتاندىرىلماعان كوشەنىڭ تىزبەسىن جاسادى، ولارعا 6 854 شام، 6 705 تىرەك ورناتۋدى جوسپارلاپ وتىرمىز، 8 اۋدان بويىنشا جەلىلەردىڭ ۇزىندىعى – 210 كم»، - دەپ جالعاستىردى س. الين.
بيىل 22 ماگيسترالدى كوشەنى جاڭعىرتۋدى اياقتاۋ جانە 4 مىڭنان استام جارىق نۇكتەسىن اۋىستىرۋ جوسپارلانۋدا.