«اۋىلدىق دەنساۋلىق ساقتاۋ سالاسىن مودەرنيزاسيالاۋ»: نەگىزگى شارالار بەلگىلەندى

2022-2024 جىلدارى – 16 570 مەيىرگەر مەن 17 585 فەلدشەر دايىندىقتان وتەدى

بۇگىن پرەزيدەنت قاسىم-جومارت توقايەۆتىڭ توراعالىعىمەن وتكەن رەفورمالار جونىندەگى جوعارى كەڭەستىڭ كەزەكتى وتىرىسىندا 2 ۇلتتىق جوبا قارالدى. سونىڭ ءبىرى – «اۋىلدىق دەنساۋلىق ساقتاۋ سالاسىن مودەرنيزاسيالاۋ»، دەپ حابارلايدى Almaty-akshamy.kz اقورداعا سىلتەمە جاساپ.

«اۋىلدىق دەنساۋلىق ساقتاۋ سالاسىن مودەرنيزاسيالاۋ» ۇلتتىق جوباسى اياسىندا كەلەسى نورماتيۆتەرگە وزگەرىستەر ەنگىزۋ كوزدەلىپ وتىر:
- 50 تۇرعىنعا دەيىنگى اۋىلداردا مەديسينالىق قىزمەتكەردىڭ بولۋى؛
- مەديسينالىق پۋنكت – 50-دەن 500 ادامعا دەيىن؛
- فەلدشەرلىك-اكۋشەرلىك پۋنكت – 500-دەن 1500 ادامعا دەيىن؛
- دارىگەرلىك امبۋلاتوريا – 1500-دەن 5 000 ادامعا دەيىن؛
- امسك ورتالىعى – 5 000-نان 30 000 ادامعا دەيىن.
سونداي-اق، ۇلتتىق جوبا اياسىندا ىسكە اساتىن نەگىزگى شارالار:
العاشقى مەديسينالىق-سانيتارلىق كومەك كورسەتۋدىڭ (امسك) 655 نىسانىنىڭ قۇرىلىسى:
امسك 228 جاڭا نىسان، ونىڭ ىشىندە:
- 123 مەديسينالىق پۋنكت،
- 77 فەلدشەرلىك-اكۋشەرلىك پۋنكت،
- 28 دارىگەرلىك امبۋلاتوريا.
قولدانىستاعى امسك نىساندارىنىڭ ورنىنا 427 نىسان، ونىڭ ىشىندە:
- 130 مەديسينالىق پۋنكت،
- 165 فەلدشەرلىك-اكۋشەرلىك پۋنكت،
- 132 دارىگەرلىك امبۋلاتوريا.
جوبا اياسىندا مەديسينا كادرلارىمەن قامتاماسىز ەتۋ ماقساتىندا:
- 2022-2024 جىلدارى – 16 570 مەيىرگەر مەن 17 585 فەلدشەر دايىندىقتان وتەدى؛
- مەديسينالىق جوعارى وقۋ ورىندارىندا جىل سايىن 2 200-دەن استام جالپى پراكتيكا دارىگەرلەرى دايىندىقتان وتەدى.