ۇرىنىڭ ەكەۋى دە بۇرىن وسىعان ۇقساس قىلمىس جاساعانى ءۇشىن سوتتى بولعان.
الماتى پوليسياسى قالتا ۇرلىعىنىڭ بەس جايتىنا قاتىسى بار ەكەۋدى ۇستادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
شىعىس قازاقستان وبلىسىنىڭ 33 جاستاعى تۇرعىنى مەن ونىڭ ەكىباستۇزدىق 35 جاستاعى سىبايلاسى بەس سمارتفون ۇرلادى دەگەن كۇدىككە ءىلىندى.
«ءبىر ايدىڭ ىشىندە ۇرىلار بەس ۇرلىق جاساعان. ولار نەگىزىنەن قوعامدىق كولىكتەردە جانە ايالدامالاردا جۇرگەن. سوڭعى ۇرلىق قالانىڭ بوستاندىق اۋدانىندا، قوعامدىق كولىكتىڭ سالونىندا تىركەلدى. قاسكوي جولاۋشىنىڭ IPhone 11 تەلەفونىن ۇرلاپ كەتكەن. جەدەل-ىزدەستىرۋ ءىس-شارالارىنىڭ ناتيجەسىندە، كۇدىكتىلەر ۇستالدى. بوتەننىڭ مۇلكىن ۇرلاۋ دەرەكتەرى بويىنشا قىلمىستىق ىستەر تەرگەلۋدە. قازىرگى ۋاقىتتا كۇدىكتىلەر قالادا ورىن العان باسقا دا قالتا ۇرلىعىنا قاتىسى بار-جوعىنا تەكسەرىلۋدە»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى بەرىك ابىلبەكوۆ.
ۇرىلاردىڭ ەكەۋى دە بۇرىن وسىعان ۇقساس قىلمىس جاساعانى ءۇشىن سوتتى بولعان.