وسى ماقساتتا گرانتتار كونكۋرسى ۇيىمداستىرىلادى.
بيىل اۋىلدارداعى ۇكىمەتتىك ەمەس ۇيىمدار مەن ازاماتتىق بەلسەندىلەردىڭ باستامالارىنا 500 مىڭ تەڭگەدەن 50 شاعىن گرانت بەرۋ جوسپارلانىپ وتىر. بۇل تۋرالى ق ر اقپارات جانە قوعامدىق دامۋ ءمينيسترى اسقار ۋماروۆ ۆەدومستۆونىڭ كەڭەيتىلگەن القا ماجىلىسىندە ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قايىرىمدىلىق پەن ۆولونتەرلىكتى ىنتالاندىرۋعا جانە دامىتۋعا ەكپىن بەرەمىز. وسىعان بايلانىستى ءتيىستى زاڭ جوباسىن ۇسىندىق. جوبا ءماجىلىس قاراۋىندا، قابىلدانۋ مەرزىمى – 2022 جىل. زاڭ قابىلدانعاننان كەيىن كوتەرمەلەۋ كۆوتالارى كوبەيەدى. وسىلايشا، جۇمىسقا ورنالاسقان ۆولونتەرلەر سانى ايتارلىقتاي ارتادى»، - دەدى مينيستر.
ءمينيستردىڭ مالىمەتى بويىنشا، بيىل ءتۇرلى فورماتتاعى 20 مىڭنان استام ءىس-شارا وتكىزۋدى جوسپارلانعان.
«اۋىلدارداعى ۇكىمەتتىك ەمەس ۇيىمدار مەن ازاماتتىق بەلسەندىلەردىڭ باستامالارىنا 500 مىڭ تەڭگەدەن 50 شاعىن گرانت بەرۋدى جوسپارلاپ وتىرمىز. ياعني، جەرگىلىكتى قوعامداستىقتى جۇمىلدىرۋ، اۋىل باستامالارىن دامىتۋدا كوشباسشىلاردى انىقتاۋ جانە اۋىل تۇرعىندارىنىڭ سيفرلىق جانە قارجىلىق ساۋاتتىلىعىن ارتتىرۋعا باعىتتالعان شاعىن گرانتتار كونكۋرسى ۇيىمداستىرىلادى»، - دەدى اسقار ۋماروۆ.