سالاۋدا جەڭىسكە ۆااگن حاچاتۋريان جەتتى.
ۆااگن حاچاتۋريان ارمەنيا رەسپۋبليكاسىنىڭ پرەزيدەنتى بولىپ سايلاندى، دەپ حابارلايدى Almaty-akshamy.kz «ارمەنپرەسس» اقپارات اگەنتتىگىنە سىلتەمە جاساپ.
اگەنتتىكتىڭ مالىمەتىنشە، داۋىس بەرۋ ناتيجەلەرىن ەسەپ كوميسسياسىنىڭ ءتوراعاسى نارەك بابايان جاريالاعان. پرەزيدەنت سايلاۋىنىڭ ەكىنشى كەزەڭىنە 71 دەپۋتات قاتىسىپ، ولاردىڭ بارلىعى جاڭا پرەزيدەنتتىڭ كانديداتۋراسىن قولدادى.
دەپۋتاتتار ۆااگن حاچاتۋرياندى دۋ قول شاپالاق سوعىپ، قۇتتىقتادى. ول بىلدىرىلگەن سەنىم ءۇشىن العىس ايتىپ، ءسوز سويلەدى.
ايتا كەتەيىك، ۆااگن حاچاتۋرياننىڭ كانديداتۋراسىن «گراجدانسكيي دوگوۆور» فراكسياسى ۇسىندى. «اياستان» جانە «چەست يمەيۋ» وپپوزيسيالىق فراكسيالارى ۇمىتكەردىڭ كانديداتۋراسىن تالقىلاۋعا جانە داۋىس بەرۋگە قاتىسپادى.
ءبىرىنشى كەزەڭدە حاچاتۋريان 69 دەپۋتاتتىڭ عانا داۋىسىن جيناپ، بىردەن سايلانا المادى. ال ەكىنشى كەزەڭدە جەڭىسكە جەتۋ ءۇشىن 64 داۋىس جەتكىلىكتى بولدى.