بۇل وزگەرتۋلەر ينفلياسياعا بايلانىستى بولادى.
قازاقستان ۇكىمەتى اۋىل شارۋاشىلىعى سالاسىنداعى جۇمىس بەرۋشىلەردى ينفلياسيانىڭ دەڭگەيىن ەسكەرە وتىرىپ، جالاقىنى جىل سايىن يندەكستەۋگە مىندەتتەدى، دەپ حابارلايدى Almaty-akshamy.kz.
اۋىل شارۋاشىلىعى مينيسترلىگى اگروونەركاسىپتىك كەشەندەگى سالالىق كەلىسىمگە «اۋىل شارۋاشىلىعى قىزمەتكەرلەرىنىڭ سالالىق كاسىپتىك وداعى» قوعامدىق بىرلەستىگىمەن جانە اوك-دەگى جۇمىس بەرۋشىلەردىڭ سالالىق بىرلەستىكتەرىمەن (قاۋىمداستىقتارىمەن، وداقتارىمەن) 2021-2023 جىلدارعا ارنالعان قوسىمشا كەلىسىم جاساستى.
«قوسىمشا كەلىسىم شەڭبەرىندە جۇمىس بەرۋشى ينفلياسيا دەڭگەيىن ەسكەرە وتىرىپ، جىل سايىن جالاقىنى يندەكستەۋدى جۇرگىزۋگە، سونداي-اق اگروونەركاسىپتىك كەشەن قىزمەتكەرىنىڭ ايلىق مولشەرلەمەسىنىڭ (جالاقىسىنىڭ) ەڭ تومەنگى مولشەرىن ارتتىرۋ كوەففيسيەنتىمەن بەلگىلەۋگە مىندەتتەلەدى»، - دەلىنگەن اشم باسپا ءسوز قىزمەتىنىڭ حابارلاماسىندا.
مادەني-بۇقارالىق جانە دەنە شىنىقتىرۋ-ساۋىقتىرۋ جۇمىستارىن جۇرگىزۋگە جۇمىس بەرۋشى كاسىپورىن كاسىپوداعىنا ەڭبەكاقى تولەۋ قورىنان قاراجات بولەتىن بولادى.
وسى جانە باسقا دا وزگەرىستەر اوك قىزمەتكەرلەرىن قولداۋعا، ءادىل الەۋمەتتىك-ەڭبەك قاتىناستارىن ورناتۋعا، جۇمىسپەن قامتۋدى كەڭەيتۋگە جانە ەڭبەك ونىمدىلىگىن ارتتىرۋعا باعىتتالعان، سونداي-اق اوك دامىتۋ جونىندەگى 2021-2025 جىلدارعا ارنالعان ۇلتتىق جوبانىڭ ماقساتتارى مەن مىندەتتەرىنە ىقپال ەتەدى.
ەستەرىڭىزگە سالا كەتەيىك، اۋىل شارۋاشىلىعى مينيسترلىگى، «اۋىل شارۋاشىلىعى قىزمەتكەرلەرىنىڭ سالالىق كاسىپتىك وداعى» قب جانە جۇمىس بەرۋشىلەردىڭ سالالىق بىرلەستىكتەرى (قاۋىمداستىقتارى، وداقتارى) اراسىندا اگروونەركاسىپتىك كەشەندەگى 2021-2023 جىلدارعا ارنالعان سالالىق كەلىسىمگە 2021 جىلعى ماۋسىمدا الەۋمەتتىك ارىپتەستىك پەن الەۋمەتتىك جانە ەڭبەك قاتىناستارىن رەتتەۋ جونىندەگى سالالىق كوميسسيانىڭ وتىرىسىندا قول قويىلدى.