حالىقارالىق ءبىلىم وليمپيادالارىنىڭ جەڭىمپازدارىنا سىياقى بەرىلەدى

ۇبت-سىز، ياعني كونكۋرستان تىس نەگىزدە ءبىلىم الۋ ءۇشىن گرانتتار بەرۋ قاراستىرىلىپ جاتىر.

التىن مەدال يەگەرلەرىنە 1500 اەك، كۇمىس مەدال يەگەرلەرىنە 1000 اەك، قولا مەدال يەگەرلەرىنە 500 اەك كولەمىندە اقشالاي سىياقى تاعايىنداۋ جوسپارلانىپ وتىر، دەپ حابارلايدى Almaty-akshamy.kz ق ر ءبىلىم جانە عىلىم ءبىرىنشى ۆيسە-مينيسترى شولپان كارينوۆانىڭ سوزىنە سىلتەمە جاساپ.

ۆيسە-مينيستر مەملەكەت باسشىسىنىڭ دارىندى بالالاردى قولداۋ جونىندەگى تاپسىرماسىن ىسكە اسىرۋ اياسىندا مينيسترلىك زاڭناماعا ەنگىزىلەتىن تۇزەتۋلەردى دايىنداعانىن اتاپ ءوتتى.

«ولار حالىقارالىق ءپان وليمپيادالارىنىڭ جۇلدەگەرلەرىنە جوعارى وقۋ ورىندارىنا ۇبت-سىز، ياعني كونكۋرستان تىس نەگىزدە ءبىلىم الۋ ءۇشىن گرانتتار بەرۋدى كوزدەيدى. باستىسى، ءبىز حالىقارالىق وليمپيادالاردىڭ جەڭىمپازدارى مەن جۇلدەگەرلەرى جانە ولاردى دايارلاعان پەداگوگ-جاتتىقتىرۋشىلارعا دا ءبىرجولعى اقشالاي سىياقى تولەۋدى قاراستىردىق. التىن مەدال يەگەرلەرىنە 1500 اەك، كۇمىس مەدالعا 1000 اەك، قولا مەدالعا 500 اەك كولەمىندە اقشالاي سىياقى تاعايىنداۋ جوسپارلانىپ وتىر»، - دەدى ءبىرىنشى ۆيسە-مينيستر.