سەناتتا ورتاشا جاس مولشەرىن 35-كە دەيىن ۇزارتۋ ۇسىنىسىن زاڭ نەگىزىندە قاراۋ ۇسىنىلدى
سەنات دەپۋتاتى دانا نۇرجىگىت مەملەكەت باسشىسىنىڭ ەلدەگى ورتاشا جاس مولشەرىن 29-دان 35-كە دەيىن ۇزارتۋ تۋرالى ايتقان ۇسىنىسىن زاڭ نەگىزىندە قاراستىرۋدى ۇسىندى، دەپ حابارلايدى Almaty-akshamy.kz Elorda.info-عا سىلتەمە جاساپ
ونىڭ ويىنشا، بۇل وزگەرىسكە قازاقستاندىق جاستاردىڭ نەكەگە تۇرۋ جاسى مەن وقۋ جانە بىلىكتىلىكتى ارتتىرۋ جاسىنىڭ ۇلعايۋى سەبەپ بولىپ وتىر.
«وسى ورايدا، «قازاقستان رەسپۋبليكاسىنداعى سايلاۋ تۋرالى» كونستيتۋسيالىق زاڭعا تۇزەتۋلەر ەنگىزىلەدى. وندا ماجىلىستە تىركەگەن كەزدە پارتيالىق تىزىمدە ءۇش سانات وكىلدەرىنىڭ: ايەلدەردىڭ، جيىرما توعىز جاسقا تولماعان ادامداردىڭ، مۇگەدەكتىگى بار ادامداردىڭ سانى وعان ەنگىزىلگەن ادامداردىڭ جالپى سانىنىڭ كەمىندە وتىز پايىزىن قۇراۋى ءتيىس. اتالعان زاڭعا سايكەس، جاستاردىڭ جاسىن 29-دان 35-كە دەيىن ۇزارتۋ قاراستىرىلدى ما؟»− دەگەن ساۋال جولدادى.
ادىلەت ۆيسە-مينيسترى المات مادالييەۆتىڭ ايتۋىنشا، جاستارعا قاتىستى قوعامدىق قاتىناستار «جاستار ساياساتى» تۋرالى زاڭمەن رەتتەلەدى. بۇل زاڭعا سايكەس، جاستار ساناتىندا 14-تان 29-قا دەيىنگى ارالىق قامتىلعان. ەگەر وسى زاڭ اياسىندا جاستى كوتەرۋ ماسەلەسى قاراستىرىلاتىن بولسا، وندا سايلاۋعا تۇسۋگە نيەتتى جاستاردىڭ جاسىن ارتتىرۋ ماسەلەسى قاراستىرىلادى.