اۋىل شارۋاشىلىعىنا باعىتتالعان ينۆەستيسيا كولەمى ازايدى

وتكەن جىلدىڭ سايكەس كەزەڭىمەن سالىستىرعاندا 3،5 پايىزعا از.

وسى جىلدىڭ بەس ايىندا اۋىل شارۋاشىلىعى مەن وڭدەۋ ونەركاسىبىنە تارتىلعان ينۆەستيسيا كولەمى ەداۋىر ازايعان، دەپ  حابارلايدى Almaty-akshamy.kz Egemen.kz سىلتەمە جاساپ. 

«2022 جىلدىڭ قاڭتار-ماۋسىم ارالىعىندا اۋىل، ورمان جانە بالىق شارۋاشىلىعىنىڭ نەگىزگى كاپيتالىنا سالىنعان ينۆەستيسيالاردىڭ كولەمى - 342،9 ملرد تەڭگە. بۇل وتكەن جىلدىڭ سايكەس كەزەڭىمەن سالىستىرعاندا 3،5 پايىزعا از»، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.

ينۆەستيسيانىڭ 155،4 ملرد تەڭگەسى اقمولا، قوستاناي جانە سولتۇستىك قازاقستان سياقتى استىق ەگەتىن وبلىستارعا باعىتتالعان. قارجىنىڭ 63،2 پايىزى ءبىر جانە ەكى جىلدىق داقىلداردى وسىرۋگە، ال 25،9 پايىزى مال شارۋاشىلىعىن دامىتۋ ءۇشىن جۇمسالادى.

«بيىل بەس ايدا وڭدەۋ ونەركاسىبىنە 599،1 ملرد تەڭگە ينۆەستيسيا تارتىلدى. بۇل وتكەن جىلمەن سالىستىرعاندا 3،2 پايىزعا از. ينۆەستيسيالاردىڭ 78،8 پايىزى - مەنشىكتى قاراجات. وڭدەۋ ونەركاسىبىنە تارتىلعان ينۆەستيسيانىڭ 68 پايىزى مەتاللۋرگيا وندىرىسىنە، حيميا ونەركاسىبى مەن تاماق ونىمدەرىن وندىرۋگە باعىتتالدى»،- دەلىنگەن بيۋرو حابارلاماسىندا.