«بايتەرەك» ۇلتتىق باسقارۋشى حولدينگى» اق يندۋستريا جانە ينفراقۇرىلىمدىق دامۋ، اۋىل شارۋاشىلىعى جانە ەكولوگيا، گەولوگيا جانە تابيعي رەسۋرستار مينيسترلىكتەرىمەن بىرلەسە اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسىن ىسكە قوسادى، دەپ حابارلايدى Almaty-akshamy.kz Inform.kz-كە سىلتەمە جاساپ.
باعدارلامانىڭ قارجىلىق وپەراتورلارى – «ونەركاسىپتى دامىتۋ قورى» اق جانە «قازاگروقارجى» اق. اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسىن ىسكە اسىرۋ ءۇشىن 40 ملرد. تەڭگە بولىنەدى، ونىڭ 30 ملرد تەڭگەسىن «ونەركاسىپتى دامىتۋ قورى» اق «جاسىل دامۋ» (وكم وپەراتورى) اق قاراجاتىنان جانە 10 ملرد تەڭگەسىن «قازاگروقارجى» اق كاپيتال نارىعىنان تارتادى.
باعدارلاماعا قاتىسۋ ءۇشىن وتىنىمدەردى قابىلداۋ «قازاگروقارجى» اق-نىڭ بارلىق فيليالدارىندا اعىمداعى جىلدىڭ 5 تامىزىندا باستالادى.
وتىنىمدەردى قاراۋدى، سونداي-اق وتاندىق وندىرىستەگى اۋىل شارۋاشىلىعى تەحنيكاسىن ليزينگكە بەرۋدى «قازاگروقارجى» اق كەلەسى شارتتاردا جۇزەگە اسىرادى:
1. ليزينگ مەرزىمى – 10 جىلعا دەيىن؛
2. سىياقى مولشەرلەمەسى – جىلدىق 6%؛
3. ليزينگ بويىنشا باستاپقى جارنا (اۆانستىق تولەم) – ليزينگ نىساناسى قۇنىنىڭ 0%؛
4. نەگىزگى بورىشتى وتەۋ بويىنشا جەڭىلدىك كەزەڭى – 1 جىل؛
5. قارجىلاندىرۋ كولەمى – ءبىر ليزينگ الۋشىعا 205 000 000 (ەكى ءجۇز بەس ميلليون) تەڭگەدەن جانە ءبىر ليزينگ الۋشىعا اۋىل شارۋاشىلىعى تەحنيكاسىنىڭ ءۇش بىرلىگىنەن ارتىق ەمەس. سونداي-اق، قارجىلاندىرۋدىڭ ءبىر ليزينگ الۋشىعا ەكى جىلدىق كەزەڭ ىشىندە ءبىر رەتتەن ءجيى ەمەس ۇسىنىلۋى - ماڭىزدى شارت.
باعدارلاماعا كەلەسى وتاندىق وندىرىستەگى وزدىگىنەن جۇرەتىن اۋىل شارۋاشىلىعى تەحنيكالارى قاتىسادى: •
LOVOL، DEUTZ FAHR، TURAN، كيروۆەس، بەلارۋس، RSM، YTO، CLAAS XERION، DONG FENG، WUZHENG ماركالى تراكتورلار؛
• ESSIL، VECTOR، ACROS، TORUM، CLAAS TRION، DEUTZ FAHR ماركالى استىق جينايتىن كومبايندار (كۇرىش كومبايندارى)؛
• سۇرلەم جينايتىن كومبايندار: جەمشوپ جينايتىن جوعارى ءونىمدى كومباين (ججك)، جەمشوپ جينايتىن وزدىگىنەن جۇرەتىن كومباين (جوك).
اۋىل شارۋاشىلىعى تەحنيكاسىن وندىرۋشىلەردىڭ تىزىمىنە: «اگروماشحولدينگ KZ» اق، «قوستاناي تراكتور زاۋىتى» ج ش س، «قازاقستان اگرو يننوۆاسيالىق كورپوراسياسى» ج ش س، «سەماز» ج ش س، «Kazrost Engineering Ltd.» جك، «ست ەسەمبلي» ج ش س، «KazKioti» ج ش س، «متز-قازاقستان ماشينا جاساۋ زاۋىتى» ج ش س كىرەدى. اۋىل شارۋاشىلىعى تەحنيكاسىن جەڭىلدەتىلگەن ليزينگكە بەرۋ باعدارلاماسى شەگىندەگى قارجىلاندىرۋدىڭ ريەۆولۆەرلىك سيپاتتا بولاتىنىن، ياعني قولدانىستاعى ليزينگتى وتەۋدەن تۇسەتىن تولەمدەردىڭ جاڭا قارجىلىق ليزينگ شارتتارىن جاساسۋعا قايتا جىبەرىلەتىنىن ايتا كەتۋ كەرەك.
باعدارلامانىڭ ءوزى 20 جىلعا ەسەپتەلگەن.