اۋدان تۇرعىندارىمەن كەزدەسۋ بارىسىندا كوپتەگەن وتىنىشتەرگە بايلانىستى الماتى قالاسىنىڭ اكىمى ەربولات دوسايەۆ اۋدان اكىمدەرىنە كوپبالالى انالارمەن اي سايىنعى كەزدەسۋلەر ۇيىمداستىرۋدى تاپسىرعان ەدى.
الماتى قالاسىنىڭ اكىمى بەكىتكەن كەستەگە سايكەس، اعىمداعى جىلدىڭ شىلدە ايىندا اۋدان اكىمدەرى كوپبالالى انالارمەن 8 كەزدەسۋ وتكىزدى.
كەزدەسۋگە بارلىعى 99 كوپبالالى وتباسى كەلدى، اكىمدەرگە 126 سۇراق قويىلدى. ونىڭ ىشىندە 52 ساۋالعا تۇسىنىكتەمە بەرىلدى، 37 سۇراق كەزدەسۋدەن كەيىن پىسىقتالدى، تاعى 37ء-سى جۇمىس ۇستىندە.
نەگىزگى سۇراقتار:
-
تۇرعىن ءۇي الۋ (كەزەككە قويۋ) – 30 (24%)؛
-
ءبىلىم بەرۋ (بالالاردى مەكتەپتەر مەن بالاباقشالارعا ورنالاستىرۋ، مەكتەپ فورماسى، Artsport باعدارلاماسى) – 29 (23%)؛
-
الەۋمەتتىك جاردەماقىلار (ااك، ازىق – تۇلىك جيىنتىقتارى) – 25 (20%)؛
-
تۇكش جانە اباتتاندىرۋ (گازدى قوسۋ، سۋمەن جابدىقتاۋ جانە سۋ بۇرۋ) – 14 (11%)؛
-
جۇمىسقا ورنالاستىرۋ – 15 (12%)؛
-
باسقالارى – 13 (9،5%).
قالا اكىمى 2022 جىلدىڭ تامىز ايىنا اۋدان اكىمدەرىنىڭ كوپبالالى انالارمەن كەزدەسۋىنىڭ ءتيىستى كەستەسىن بەكىتتى.
اۋدان اكىمدەرىنىڭ تامىز ايىنداعى قالاداعى كوپبالالى انالارمەن كەزدەسۋ كەستەسى:
4 تامىزدا كوپبالالى انالارمەن كەزدەسۋ اۋەزوۆ اۋدانىندا ساعات 10:00 اۋەزوۆ اۋدانى اكىمىنىڭ اپپاراتىندا وتەدى، مەكەنجايى التىنسارين داڭعىلى، 23.
12 تامىزدا كەزدەسۋ ساعات 10:00 ناۋرىزباي اۋدانى اكىمىنىڭ اپپاراتىندا وتەدى، مەكەنجاي شۇعىلا شاعىن اۋدانى، 347 ءۇي.
16 تامىزدا كەزدەسۋ ساعات 10:00 الاتاۋ اۋدانى اكىمىنىڭ اپپاراتىندا وتەدى، مەكەنجايى شاڭىراق-2 شاعىن اۋدانى، جانقوجا باتىر كوشەسى، 26.
17 تامىزدا كەزدەسۋ ساعات 10:00 المالى اۋدانىنداعى «باقىتتى وتباسى» قولداۋ ورتالىعىندا وتەدى، مەكەنجايى ناۋرىزباي باتىر كوشەسى،106 ا.
18 تامىزدا كەزدەسۋ ساعات 10:00 مەدەۋ اۋدانىنداعى № 172 مەكتەپ- گيمنازيادا وتەدى، قارقارالى كوشەسى 15.
24 تامىزدا كەزدەسۋ ساعات 10:00 بوستاندىق اۋدانىنداعى «باقىتتى وتباسى» قولداۋ ورتالىعىندا وتەدى، مەكەنجايى روزىباكييەۆ كوشەسى، 250.
26 تامىزدا كەزدەسۋ ساعات 10:00 تۇركسىب اۋدانىنداعى «باقىتتى وتباسى» قولداۋ ورتالىعىندا وتەدى، مەكەنجايى ر.زورگە كوشەسى، 9.
26 تامىزدا كەزدەسۋ ساعات 10:00 جەتىسۋ اۋدانىنداعى «باقىتتى وتباسى» قولداۋ ورتالىعىندا وتەدى، مەكەنجايى جانسۇگىروۆ كوشەسى، 65.