اقتاۋ قالاسىنداعى اۋەجاي ماڭىندا جولاۋشىلار ۇشاعىنىڭ اپاتقا ۇشىراۋى سالدارىنان زارداپ شەككەن 29 ادامنىڭ 27ء-سى ماڭعىستاۋ وبلىستىق اۋرۋحاناسىنا جەتكىزىلدى.
پاسيەنتتەر ءارتۇرلى جاراقاتتارمەن، نەگىزىنەن بىرنەشە زاقىمدارمەن كەلىپ ءتۇستى، بۇل ميدىڭ جابىق جاراقاتى، ميدىڭ شايقالۋى، كەۋدە قۋىسىنىڭ جابىق جاراقاتتارى، تراۆماتيكالىق شوك، دەپ حابارلايدى aqshamnews.kz.
ق ر دسم ۇسىنعان اقپاراتقا ساي، 26 جەلتوقسان كۇنى تاڭەرتەڭ 11 پاسيەنت رەانيماسيا بولىمشەسىندە، 13 - تراۆماتولوگيا بولىمشەسىندە، 2 - نەيروحيرۋرگيا بولىمشەسىندە، 1 – حيرۋرگيا بولىمشەسىندە ەم الدى.
پاسيەنتتەردىڭ جاعدايى بويىنشا: ەكەۋى اسا اۋىر جاعدايدا، 11 اۋىر جاعدايدا، 14 – ورتاشا اۋىرلىق دارەجەسىندە، 2 پاسيەنتتىڭ شاعىمى جوق، قاناعاتتانارلىق جاعدايدا.
11 پاسيەنتتىڭ سەگىزى وكپەنى جاساندى جەلدەتۋ اپپاراتىندا جاتىر جانە دارىلىك سەداسيا، تونيكتەر قابىلداۋدا. كەلىپ تۇسكەن كەزدە بارلىق زارداپ شەككەندەرگە قاجەتتى زەرتتەپ-قاراۋ تۇرلەرى جۇرگىزىلدى، جاعدايى تۇراقتانعاننان كەيىن بەيىنى بويىنشا ەمدەۋگە جاتقىزىلدى.
دەنساۋلىق ساقتاۋ مينيسترلىگى زارداپ شەككەندەرگە مەديسينالىق كومەك تولىق كولەمدە كورسەتىلەتىنىن اتاپ ءوتتى.
دارىگەرلەر اۋىر پاسيەنتتەردىڭ جاعدايىن تۇراقتاندىرۋ ءۇشىن بارلىق مۇمكىن شارالاردى قابىلداۋدا، اۋرۋحانا دارى-دارمەكتەرمەن، جابدىقتارمەن جەتكىلىكتى تۇردە قامتاماسىز ەتىلگەن.
بۇعان دەيىن حابارلانعانداي، استانادان اقتاۋعا اۋە اپاتىنان زارداپ شەككەندەرگە مەديسينالىق كومەك كورسەتۋ ءۇشىن سانيتاريالىق اۆياسيا ۇشاعى جىبەرىلگەن.
بورتتا قۇرامىندا ەكى رەانيماتولوگ، 4 تراۆماتولوگ، نەيروحيرۋرگ جانە كومبۋستيولوگ بار ق ر دەنساۋلىق ساقتاۋ مينيسترلىگىنىڭ ۇلتتىق شۇعىل مەديسينانى ۇيلەستىرۋ ورتالىعىنىڭ موبيلدىك بريگاداسى كەلدى.
زارداپ شەككەندەردىڭ جاعدايى جانە ولاردىڭ ەمدەلۋ بارىسى تۋرالى قوسىمشا دەرەكتەر اقپارات جاڭارتىلعان سايىن ۇسىنىلاتىن بولادى.
رەسەي تاراپىمەن كەلىسسوزدەردەن، مامانداردىڭ كونسۋلتاسيالارىنان كەيىن بۇگىن رف اپاتتار مەديسيناسىنىڭ بورتىمەن اقتاۋدان ماسكەۋگە 9 پاسيەنت، رەسەي ازاماتتارى جىبەرىلدى.