وسى جىلدىڭ سوڭىنا دەيىن اۋىل شارۋاشىلىعى سالاسىن سۋبسيديالاۋدىڭ جاڭا تاسىلدەرى ەنگىزىلەدى. بۇل تۋرالى ۇكىمەت وتىرىسىندا ق ر اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
«اۋىل شارۋاشىلىعى مينيسترلىگى مەملەكەت باسشىسىنىڭ قازاقستان حالقىنا جولداۋىندا ۆەدومستۆونىڭ الدىنا قويعان مىندەتتەرىن مۇقيات قاراپ، ولاردى ىسكە اسىرۋ بويىنشا ناقتى شارالار ازىرلەدى. ماسەلەن، ءوندىرىس كولەمىن ۇلعايتۋ جانە وتاندىق اۋىل شارۋاشىلىعى ءونىمىنىڭ قوسىلعان قۇنىن ارتتىرۋ پروبلەماسىن شەشۋ ءۇشىن مەملەكەتتىك ىنتالاندىرۋ جانە قولداۋ شارالارى تۇزەتىلۋدە. اتاپ ايتقاندا، سۋبسيديالاۋ قاعيدالارىنا اۋىل شارۋاشىلىعى تاۋارىن وندىرۋشىلەردىڭ ءوندىرىس كولەمىن تۇراقتى ۇلعايتۋ جانە وڭدەۋشى كاسىپورىندارعا شيكىزات جەتكىزۋ بويىنشا قارسى مىندەتتەمەلەر الۋى جونىندە مىندەتتى نورما ەنگىزىلەدى. تەرەڭ وڭدەلگەن ونىمدەر شىعاراتىن وڭدەشى كاسىپورىنداردى مەملەكەتتىك قولداۋ اۋقىمىن كەڭەيتۋ كوزدەلىپ وتىر»، - دەدى ەربول قاراشوكەيەۆ.
ءمينيستردىڭ ايتۋىنشا، سالانى سۋبسيديالاۋدىڭ جاڭا ۇزاق مەرزىمدى تاسىلدەمەلەرىن دايىنداۋ ماسەلەسىندە جاڭا قاعيدالار ازىرلەۋ اياقتالۋعا جاقىن. قازىرگى ۋاقىتتا ونى ارنايى قۇرىلعان جۇمىس توبى اياسىندا تالقىلاۋ ءجۇرىپ جاتىر. كەلەسى جىلدان باستاپ اتالعان قاعيدالار بويىنشا جۇمىس ىستەۋ ءۇشىن ولاردى وسى جىلدىڭ سوڭىنا دەيىن بەكىتىلەدى.
«جاڭا سۋبسيديالاۋ قاعيدالارىنىڭ نەگىزگى تۇستارى قارسى مىندەتتەمەلەردىڭ ورىندالۋىن باقىلاۋدىڭ جانە ولاردى باعالاۋدىڭ پارمەندى قۇرالدارىن ەنگىزۋ تەتىكتەرى ارقىلى بولىنگەن سۋبسيديالاردىڭ تيىمدىلىگى مەن ناتيجەلىلىگىن ارتتىرۋ، سىبايلاس جەمقورلىق تاۋەكەلدەرىن بارىنشا بولدىرماۋ جانە سيفرلاندىرۋ ەسەبىنەن سۋبسيديالار الۋ ءراسىمىن وڭايلاتۋ بولىپ سانالادى. سالانى تەحنيكالىق جانە تەحنولوگيالىق قايتا جاراقتاندىرۋ مىندەتىنە كەلەر بولساق اۋىل شارۋاشىلىعىنا ينۆەستيسيالار اعىنىن مەملەكەتتىك ىنتالاندىرۋ، وندىرىسكە عىلىمي جانە عىلىمي-تەحنيكالىق قىزمەت، عىلىمي-زەرتتەۋ جانە تاجىريبەلىك-كونسترۋكتورلىق جۇمىستار ناتيجەلەرىن ەنگىزۋ شارالارىن ودان ءارى كۇشەيتۋ كوزدەلگەن»، - دەدى ول.