قازاقستاندا زاڭسىز جۇرگەن 322 شەتەلدىك ەلدەن شىعارىلدى
شەتەلدىكتەردىڭ قر-دا بولۋىن كوزدەلگەن ەرەجەلەرىن مۇلتىكسىز ورىنداۋدى قامتاماسىز ەتۋ ماقساتىندا 27 ماۋسىم مەن 4 شىلدە ارالىعىندا ەل بويىنشا «نەلەگال-2022» جەدەل الدىن الۋ ءىس-شاراسى جۇرگىزەلەدى، دەپ حابارلايدى اlmaty-akshamy.kz.
پوليسيا شارا اياسىندا شەتەلدىكتەردىڭ كوپ تۇراتىن جەرلەرىنە، قۇرىلىس وبەكتىلەرىنە، بازارلارعا، ۇيىمداردىڭ جانە شەتەلدىكتەردىڭ جالدامالى ەڭبەگىن زاڭسىز پايدالاناتىن جۇمىس بەرۋشىلەرگە تەكسەرۋ جۇرگىزەدى، سونداي-اق اۆتوكولىك قۇرالدارىن تەكسەرەدى.
وپەراسيانىڭ ەكى كۇنىندە كوشى-قون زاڭناماسىنىڭ 3 762 قۇقىق بۇزۋشىلىعى تىركەلدى، شەتەلدىكتەردىڭ ەڭبەك قىزمەتىن زاڭسىز جۇزەگە اسىرعانى ءۇشىن – 1 239، شەتەلدىكتەردىڭ ەڭبەگىن رۇقساتسىز پايدالانعان 207 جۇمىس بەرۋشى، شەتەلدىكتەردىڭ كەلۋى تۋرالى ءىىو-ىن ۋاقتىلى حاباردار ەتپەگەنى جانە ەلدە بولۋ ەرەجەلەرىن قامتاماسىز ەتكەنى ءۇشىن 1 509 قۇقىق بۇزۋشىلىق انىقتالدى.
سوتتاردىڭ شەشىمى بويىنشا ەلدەن 322 شەتەلدىك شىعارىلدى. سونىڭ ىشىندە 646 ادام ماجبۇرلەپ شىعارىپ جىبەرۋ ءۇشىن ارنايى قابىلداۋ ورىندارىنا قامالدى. مىسالى، پوليسيا قىزمەتكەرلەرى شىمكەنتتە ءۇش شەتەلدىك ازاماتتى انىقتاپ، ۇستادى.
تەكسەرۋ بارىسىندا ەلگە مەملەكەتتىك شەكاراداعى وتكىزۋ پۋنكتىن اينالىپ ءوتىپ، زاڭسىز كەلگەندىگى بەلگىلى بولدى. سوتقا دەيىنگى تەرگەۋ بارىسىندا ولارعا تۇرعىن ءۇيدى زاڭسىز بەرىپ، كەلىمسەكتەردىڭ زاڭسىز بولۋىنا مۇمكىندىك جاساعان قازاقستان رەسپۋبليكاسىنىڭ ازاماتشاسى انىقتالدى. اتالعان فاكتىلەر بويىنشا سوتقا دەيىنگى تەرگەۋ جۇمىستارى جۇرگىزىلىپ جاتىر.