وقۋ-اعارتۋ مينيسترلىگى «100 جاڭا ەسىم – 100 نوۆىح ليس» ايدارىندا وزگەلەرگە ۇلگى بولارلىق جانە ءبىلىم بەرۋگە جاڭا سەرپىن بەرەتىن تۇلعالار جايلى باياندايدى.
بۇل جولى ۆەدومستۆو اباي وبلىسى اياگوز اۋدانىنىڭ قازاق مەكتەپ-ليسەيىندە وقيتىن 5-سىنىپ وقۋشىلارى: ەرسۇلتان جۇماتاي، ءامىرحان ساپييەۆ پەن اكەجان بەرىكقازى. ولار سۋ ارنالارىنداعى قوقىستى اۆتوماتتى تۇردە تازارتاتىن ەرەكشە روبوت جاساپ شىققان، دەپ حابارلايدى aqshamnews.kz.
جوبانىڭ نەگىزگى ماقساتى — سۋ ارنالارىندا قوقىستاردىڭ جينالۋىنىڭ الدىن الۋ. وقۋشىلار ەكولوگيا، ينجەنەريا جانە روبوتوتەحنيكا ساباقتارىندا العان بىلىمدەرى بويىنشا قۇراستىرعان.
«جالىن» دەپ اتالعان روبوت تۇرمىستىق قالدىقتار مەن جاپىراقتاردى جيناي وتىرىپ، ارنالاردىڭ تازا بولۋىن جانە سۋدىڭ كەدەرگىسىز اعۋىن قامتاماسىز ەتەدى.
يدەيادان باستاپ ىسكە اسىرۋعا دەيىنگى بارلىق كەزەڭدەردى وقۋشىلار وزدەرى ورىنداپ، مەحانيكالىق تازارتۋ قاعيدالارىن جانە باعدارلامالاۋدىڭ نەگىزدەرىن زەرتتەگەن.
«بىزگە بۇل يدەيا پرەزيدەنتىمىزدىڭ «تازا قازاقستان» باستاماسىنىڭ ارقاسىندا كەلدى. روبوتىمىز تۋعان اۋىلىمىزدا تازالىقتى ساقتاۋعا كومەكتەسسە دەيمىز. ال بولاشاقتا قوقىستى جيناپ قانا قويماي، ونى سۇرىپتاي الاتىن ميني-روبوت جاساۋدى جوسپارلاپ وتىرمىز»، — دەيدى وقۋشىلار.
ايتا كەتەيىك، جوبا 2024 جىلعى FIRST Championship ايماقتىق كەزەڭىندە جوعارى باعالانىپ، ۇزدىك وندىققا ەنىپ، الەۋمەتتىك ماسەلەلەردى شەشۋگە قوسقان ۇلەسى، جاڭاشىلدىعى مەن كوماندالىق جۇمىسى ءۇشىن Core Values Winner نوميناسياسىندا ماراپاتقا يە بولدى.