ۇلتتىق ەكونوميكا مينيسترلىگى «ديپلوممەن اۋىلعا» باعدارلاماسى بويىنشا بيۋدجەتتىك نەسيەنىڭ پايىزدىق مولشەرلەمەسىن كوتەرۋ تۋرالى قۇجاتقا وزگەرىستەر ەنگىزدى، دەپ حابارلايدى aqshamnews.kz
18 تامىزدان باستاپ اۋىلعا باراتىن ماماندارعا بەرىلەتىن يپوتەكالىق باعدارلامانىڭ ەرەجەسى وزگەرەدى. ءتيىستى بۇيرىققا ۆەدومستو باسشىسى سەرىك جۇمعانعارين قول قويدى.
نەگىزگى وزگەرىستەر:
نەسيە مەرزىمى – 15 جىلعا دەيىن، ءبىراق سىياقى مولشەرلەمەسى بۇرىنعى 0،01%-دىڭ ورنىنا ەندى 1% جىلدىق بولادى؛
قونىس اۋداراتىن ايماقتا نەسيە الۋشىنىڭ، ونىڭ جۇبايىنىڭ جانە بالالارىنىڭ اتىندا تۇرعىن ءۇي بولماۋى ءتيىس.
مينيسترلىكتىڭ ايتۋىنشا، وزگەرىستەر بانكتەر ءۇشىن باعدارلامانىڭ تۇراقتىلىعىن ارتتىرۋعا باعىتتالعان.
بۇعان دەيىن ۇلتتىق ەكونوميكا مينيسترلىگى «ديپلوممەن اۋىلعا» باعدارلاماسى بويىنشا، بيىل 2،8 مىڭ جاس مامان ۇيمەن قامتاماسىز ەتىلەتىنىن ايتقان.