قازاقستان قۇرىلىسشىلار وداعىنىڭ باسشىسى تالعات ەرعالييەۆ الداعى ۋاقىتتا باسپانا باعاسى نەلىكتەن قىمباتتايتىنىن ءتۇسىندىردى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ءقازىر اي سايىن قۇرىلىس ماتەريالدارى مەن قىزمەتتەردىڭ باعاسىن قولمەن ەسەپتەپ وتىرمىز. قۇرىلىس قۇنىنىڭ 55%-56%-ى قۇرىلىس ماتەريالدارى قالىپتاستىرادى. سوندىقتان ونىڭ باعاسى قۇرىلىس قۇنىنا تىكەلەي اسەر ەتەدى. ءقازىر ازىق-تۇلىك باعاسىنىڭ ءوسىپ جاتقانىن كورىپ وتىرمىز. ازىق-تۇلىك پەن قىزمەتتەر قۇنى وسسە، قۇرىلىسشىلاردىڭ دا ايلىعى وسەدى دەگەن ءسوز»، - دەدى تالعات ەرعالييەۆ قازاقپارات تىلشىسىنە بەرگەن شاعىن سۇحباتىندا.
ونىڭ سوزىنە قاراعاندا، قۇرىلىسشىلاردىڭ ەڭبەكاقىسى قۇرىلىس قۇنىنىڭ 20 پايىزىن قالىپتاستىرادى.
«بۇل جەردە ءبىز تەحنيكالىق جۇمىسشىلاردىڭ، قۇرىلىس الاڭدارىندا سالاعا قىزمەت كورسەتۋشىلەردىڭ ايلىعى تۋرالى ايتىپ وتىرمىز. دامۋ مەنەدجەرلەرى، PR جانە HR-ماماندار، پرورابتار، سمەتا ەسەپتەۋشىلەر، ەسەپشىلەر مەن باسقالار دا كىرەدى»»، - دەدى ساراپشى.
وسى ەكى فاكتوردى العا تارتقان قۇرىلىسشىلار وداعىنىڭ باسشىسى ەلدە باسپانا باعاسى قىمباتتاماسا، ارزاندامايدى دەپ وتىر.
«بۇل، سايكەسىنشە، شارشى مەتردىڭ باعاسىن وسىرەدى. جاعىمسىز بولسا دا، شىندىق وسى. بۇل قۇرىلىسشىلار ءۇشىن دە وتە جاعىمسىز جاڭالىق. ويتكەنى سالاعا 2015 جىلعا دەيىن بولعان احۋال سياقتى تۇراقتىلىق كەرەك. ول كەزدە قۇرىلىسشىلار قولعا العان جوباسىنىڭ تابىستىلىق دەڭگەيىن بولجاي الاتىن. 2015 جىلدان بەرى جاعداي تۇبەگەيلى وزگەردى. بۇل ءبىزدى قاپالاندىرادى»، - دەدى تالعات ەرعالييەۆ.