ەلىمىزدىڭ اتىنان "ءبىلىم-يننوۆاسيا" ليسەيى مەن رەسپۋبليكالىق فيزيكا-ماتەماتيكا مەكتەبىنىڭ 11-سىنىپ وقۋشىلارى: دارىن سمايىل، ارنار داۋلەتقۇل، ءادىل تۇرسىنعالي، ابباس پاحريدين، وسمان اكيپبەك، اسىلحان ىبىراي، ءىلياس ءاشىرالين، الديار داۋلەت ۇلى، جانايىم سابىرجان، عازيزا كۋنگوجينا قاتىستى.
جارىسقا 11 ەلدەن بارلىعى 400-گە جۋىق بالا قاتىستى. فينالدىق كەزدەسۋدە قازاقستاندىق مەكتەپ وقۋشىلارى ءباا كومانداسىمەن وداقتاسىپ، جەڭىسكە جەتۋ ءۇشىن كۇرەستى.
ەكى كۇننىڭ قورىتىندىسى بويىنشا وقۋشىلار ەكى ماراپاتقا يە بولدى: Finalist Alliance Captain جانە Motivate Award نوميناسياسىندا ءبىرىنشى ورىن.
"العاشقى ەكى كۇندە ءبىز جەڭىلىسسىز العا شىقتىق. ويىننىڭ سوڭعى كۇنى قيىنىراق بولدى، ءبىراق فينالعا وتتىك. ءبىز روبوت ويىنىندا جاقسى ونەر كورسەتىپ قانا قويماي، قازىلار القاسىنىڭ الدىندا ءوز پورتفوليومىزدى قورعاي العانىمىزعا وتە قۋانىشتىمىز"، - دەيدى كوماندا كاپيتانى دارىن سمايل.
ەسكە سالايىق، كوماندا قازاقستان رەسپۋبليكاسى وقۋ-اعارتۋ مينيسترلىگىنىڭ قولداۋىمەن USTEM Foundation قورى مەن "دارىن" رعپو ۇيىمداستىرعان Central Asia FIRST Championship ورتالىق ازيا چەمپيوناتى كەزىندە الەم چەمپيوناتىنا جولداما العان بولاتىن. چەمپيوناتتا جەڭىسكە جەتۋ ءبىزدىڭ وقۋشىلار ءۇشىن الەمدىك جەتەكشى جوعارى وقۋ ورىندارىنا گرانت الۋعا جول اشادى.