ماماندار 7 باعىت بويىنشا جۇمىس ىستەۋدى جوسپارلاپ وتىر
الماتىدا «قازاقستان-قىتاي اقىلدى اۋىل شارۋاشىلىعى ورتالىعى» اشىلدى، دەپ حابارلايدى Almaty.tv.
قازاق ۇلتتىق اگرارلىق زەرتتەۋ ۋنيۆەرسيتەتىنىڭ بازاسىندا جۇمىسىن باستاعان كەشەن سالاداعى وزىق تەحنولوگيالار ترانسفەرىن قامتاماسىز ەتۋ، حالىقارالىق دەڭگەيدەگى كادرلاردى دايارلاۋ ىسىنە باسىمدىق بەرمەك. سالتاناتتى ءىس-شاراعا كورشىلەس ەلدەن ارنايى دەلەگاسيا كەلىپ، قوس مەملەكەتتىڭ عالىمدارى اۋىل شارۋاشىلىعى ماسەلەلەرىن تالقىعا سالدى.
ايتا كەتەيىك، اتالعان ورتالىق 7 باعىت بويىنشا جۇمىس ىستەۋدى جوسپارلاپ وتىر.
– اۋا رايىنىڭ، تەمپەراتۋرانىڭ، ىلعالدىلىقتىڭ كورسەتكىشىن قاراپ وتىرىپ، توپىراقتاعى ىلعالدىڭ كولەمىن انىقتايدى. ءار ساعات، مينۋت سايىن وسىمدىككە قانشا كولەمدە ىلعال قاجەت ەكەنىن ەسەپتەپ، ۇسىنىم بەرىلەدى، – دەدى عىلىمي ءبىلىم بەرۋ تەحنولوگيالىق پلاتفورماسىنىڭ اتقارۋشى ديرەكتورى فارابي ەرمەكوۆ.