سوڭعى اپتادا183 074 ادام جرۆي-مەن اۋىرعان، دەپ حابارلايدى aqshamnews.kz
دەنساۋلىق ساقتاۋ ءمينيسترى اقمارال ءالنازاروۆا اۋرۋحاناعا جرۆي جانە تۇماۋمەن تۇسەتىن ناۋقاستاردىڭ كوبەيگەنىن مالىمدەدى.
بۇگىنگى كۇنى جرۆي جانە تۇماۋ دياگنوزى قويىلعان پاسيەنتتەردىڭ باسىم بولىگى ۇيدە ەمدەلىپ ءجۇر. سوعان قاراماستان، اۋرۋحانالاردا توسەك ورىندارىنىڭ 80 پايىزى بوس ەمەس.
"2025 جىلعى 18 قاراشاداعى جاعداي بويىنشا 8 239 پاسيەنت (ەرەسەكتەر – 1430، بالالار – 6809) اۋرۋحاناعا جاتقىزىلدى، توسەك قورىنىڭ جۇكتەمەسى 76%-دى قۇرايدى"، - دەدى ءالنازاروۆا ۇكىمەتتىڭ بۇگىنگى وتىرىسىندا.
ونىڭ ايتۋىنشا، ينفەكسيالىق ستاسيونارلاردا جانە مامانداندىرىلعان اۋرۋحانالاردىڭ ينفەكسيالىق بولىمشەلەرىندە قوسىمشا 1987 رەزەرۆتىك توسەك-ورىن جاساقتالدى.
"سوڭعى ءبىر اپتانىڭ ىشىندە ءجرۆي-دىڭ 183 074 جاعدايى تىركەلدى. 2024-2025 جىلدارداعى ەپيدەميالىق ماۋسىمنىڭ وسىعان ۇقساس اپتاسىمەن سالىستىرعاندا سىرقاتتانۋشىلىق 16 پروسەنتكە ارتتى ارتتى"، - دەپ اتاپ ءوتتى مينيستر.