تۇتىنۋشىلار كوممۋنالدىق قىزمەتتەر ءۇشىن 14 ملرد تەڭگە قارىز
بۇل جونىندە ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى Almaty-akshamy.kz قازاقپارات cايتىنا سىلتەمە جاساپ.
«وسى جىلدىڭ قىركۇيەگىندە تۇتىنۋشىلاردىڭ كوممۋنالدىق قىزمەتتەر ءۇشىن بەرەشەگى 14،4 ملرد تەڭگەنى قۇرايدى 4 وڭىردە ەڭ كوپ دەبيتورلىق بەرەشەك بار»، - دەدى مينيستر.
سونداي-اق مينيستر مەملەكەت باسشىسىنىڭ جولداۋىن ورىنداۋ ماقساتىندا تاۋار بيرجالارىنىڭ قىزمەتىن رەتتەۋدى جەتىلدىرۋ ءىس-شارالار قابىلدانعانىن ايتتى.
«مينيسترلىك وڭىرلىك وپەراتورلارعا قويىلاتىن تالاپتار بولىگىندە ۇسىنىمدار ازىرلەدى. وسى ۇسىنىمدار نەگىزىندە اكىمدىكتەر وڭىرلىك وپەراتورلاردى انىقتادى. ولار قازىرگى ۋاقىتتا ساۋدا-ساتتىققا دەلدالدارسىز تىكەلەي قاتىسادى جانە كومىردى سوڭعى تۇتىنۋشىعا، ياعني حالىققا ساتادى»، - دەدى بەيبىت اتامقۇلوۆ.