الماتىدا «جارقىن كۇز» اكسياسى – «الماتى – ءبىزدىڭ ورتاق ءۇيىمىز» اتتى كۇزگى ەكولوگيالىق ناۋقان اياسىندا ءىرى كولەمدى قوقىستى بەلگىلەنبەگەن ورىندارعا دۇرىس تاستاماۋ فاكتىلەرى بويىنشا اباتتاندىرۋ ەرەجەلەرىن بۇزۋشىلاردى انىقتاۋ جۇمىستارى كۇشەيتىلدى، دەپ حابارلايدى aqshamnews.kz.
اي باسىنان بەرى الماتى قالاسىنىڭ ەكولوگيا جانە قورشاعان ورتا باسقارماسى قىزمەتكەرلەرى پوليسيا دەپارتامەنتىمەن بىرلەسىپ جۇرگىزگەن رەيدتىك ءىس-شارالار بارىسىندا 20-دان استام ەرەجە بۇزۋشى انىقتالىپ، ولارعا قاتىستى اكىمشىلىك قۇقىق بۇزۋشىلىق تۋرالى ق ر كودەكسىنىڭ 505-بابىنا سايكەس 10-20 اەك كولەمىندە ايىپپۇل سالىنعان اكىمشىلىك حاتتامالار تولتىرىلدى.
ايتا كەتۋ كەرەك، الماتى قالاسىنىڭ اباتتاندىرۋ ەرەجەلەرىنە سايكەس كاسىپورىندار، مەكەمەلەر جانە جەكە تۇلعالار ءىرى كولەمدى قوقىستى وزدەرى شىعارىپ نەمەسە قوقىس شىعاراتىن ۇيىمدارمەن كەلىسىمشارت جاساسۋى ءتيىس.
جوندەۋ جۇرگىزىپ جاتقان نەمەسە ءىرى كولەمدى قوقىسى بار تۇرعىندار قوقىستى شىعارۋ ءۇشىن ارنايى ۇيىمدارعا جۇگىنۋى نەمەسە قوقىستى الماتى وبلىسىنىڭ ىلە (الماتى-وسكەمەن تاس جولى، 34/1 https://go.2gis.com/5wg4xn) جانە قاراساي (ايتەي اۋىلى، 144-ەسەپتىك كۆارتال، 4690 https://2gis.kz/almaty/geo/70000001051600536) اۋداندارىندا ورنالاسقان پوليگوندارعا وزدەرى جەتكىزۋى قاجەت.
ەستەرىڭىزگە سالا كەتەيىك، 2024-2025 جىلدارى الماتى قالاسىندا سانيتارلىق جاعدايدى جاقسارتۋ ماقساتىندا 786 ەسكى كونتەينەردى اۋىستىرۋ جانە 2000-نان استام جاڭا تەرەڭدەتىلگەن كونتەينەر ورناتۋ جوسپارلانۋدا. بۇل كونتەينەرلەر قوقىس جاشىكتەرى الاتىن اۋماقتى ازايتۋعا، جاعىمسىز يىستەردىڭ تارالۋىن بولدىرماۋعا جانە جانۋارلاردىڭ قوقىسقا قول جەتكىزۋىن شەكتەۋگە مۇمكىندىك بەرەدى.
ەسكە سالساق، بۇعان دەيىن الماتىدا كونتەينەرلىك الاڭداردى سانيتارلىق وڭدەۋ جۇمىستارى كۇشەيتىلگەنى جايىندا جازعان ەدىك.