قارجى نارىعىن رەتتەۋ جانە دامىتۋ اگەنتتىگى (قنردا) ساقتاندىرۋ زاڭناماسىنا ۇلكەن وزگەرىستەر پاكەتىن ازىرلەدى. بۇل وزگەرىستەر، ونىڭ ىشىندە، ۇقىپسىز جۇرگىزۋشىلەرگە ساقتاندىرۋ ەرەجەلەرىن قاتاڭداتۋدى كوزدەيدى، دەپ حابارلايدى aqshamnews.kz.
وزگەرىستەر جوباسى «اشىق نقا» پورتالىندا ورنالاستىرىلعان. قوعامدىق تالقىلاۋ 4 قاراشاعا دەيىن جالعاسادى. زاڭ جوباسىنىڭ نەگىزگى نورمالارى اۆتوساقتاندىرۋعا قاتىستى. قنردا قۇجاتتىڭ تۇسىندىرمەسىندە ساقتاندىرۋ سىيلىقاقىلارىن ەسەپتەۋ ءۇشىن «بونۋس-مالۋس» جۇيەسىن جەتىلدىرۋدى ماقسات ەتىپ وتىرعانىن اتاپ وتكەن.
جوبا بويىنشا، جول ەرەجەلەرىن بۇزعان جۇرگىزۋشىلەردى تارتىپكە اشقىرۋ ەتۋ كوزدەلگەن. ولار ساقتاندىرۋ ءۇشىن كوپ تولەۋگە ءماجبۇر بولادى، ال ساقتاندىرۋ جاعدايلارى بويىنشا تولەمدەر ازايادى.
جىلدامدىقتى اسىرۋ، قارسى جولعا شىعۋ، باعدارشامعا باعىنباۋ، اپاتتىق جاعداي جاساۋ، اقاۋلى كولىكپەن ءجۇرۋ – وسى ءتارىزدى ەرەجەلەردى بۇزعانى ءۇشىن جۇرگىزۋشىلەردىڭ ساقتاندىرۋ سىنىبى تومەندەيدى. ەگەر جۇرگىزۋشى ءۇش نەمەسە ودان كوپ وسىنداي قۇقىق بۇزۋشىلىق جاساعان جاعدايدا، ونىڭ ساقتاندىرۋ سىنىبى ادەپكى دەڭگەيدەن ءبىر ساتىعا تومەندەيدى.
ەڭ تومەنگى ساقتاندىرۋ سىنىبى – م2. بۇل سىنىپتى مىنا جاعدايلاردا الاتىن جۇرگىزۋشىلەرگە تاعايىندايدى:
- ماس كۇيىندە كولىك باسقارعان (سونىڭ ىشىندە بىرنەشە رەت)؛
- ماس كۇيىندە اپاتقا ۇشىراعان؛
- جول-كولىك وقيعاسىندا ادام قازا تاۋىپ نەمەسە مۇگەدەك بولعان.
ەگەر جوعارى ساقتاندىرۋ سىنىبىنا يە جۇرگىزۋشى ءوز كىناسىنەن ادام ولىمىمەن اياقتالعان جول اپاتىن جاساسا، ونىڭ ساقتاندىرۋ سىنىبى دەرەۋ م2-گە تومەندەيدى.
بارلىعى زاڭ جوباسىندا 18 ساقتاندىرۋ سىنىبى قاراستىرىلعان. تومەنگى سىنىپتار – جول ەرەجەسىن ءجيى بۇزاتىن جۇرگىزۋشىلەر ءۇشىن: م2، م1 جانە م، ودان كەيىن نولدىك سىنىپ، ا سىنىبى جانە 13 نەگىزگى سىنىپ كەلەدى. سىنىپ نەعۇرلىم تومەن بولسا، ساقتاندىرۋ ءۇشىن سوعۇرلىم كوپ تولەۋگە تۋرا كەلەدى. ءار سىنىپ بويىنشا ساقتاندىرۋ شارتتارىمەن تولىعىراق تانىسۋعا بولادى.