ءقاۋىپ ءتوندىرۋ ىقتيمالدىعىنا بايلانىستى قوسىمشا تەكسەرۋدەن وتەدى.
گەرمانيانىڭ «رامشتاين» بازاسىنا ەۆاكۋاسيالانعان 30 مىڭ اۋعاننىڭ 200-گە جۋىعى ءقاۋىپ ءتوندىرۋ ىقتيمالدىعىنا بايلانىستى قوسىمشا تەكسەرۋدەن وتەدى. بۇل تۋرالى شتاب باستىقتارى بىرىككەن كوميتەتىنىڭ ءتوراعاسى مارك ميللي مالىمدەدى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
«مۇندا 30 مىڭعا جۋىق ادام تەكسەرۋ پروسەسىنەن ءوتتى، ەكى جۇزگە جۋىعى قىزىلمەن بەلگىلەندى»، - دەدى ميللي اقش-تىڭ گەرمانياداعى بازاسىندا FoxNews باسىلىمىنا بەرگەن سۇحباتىندا.
ونىڭ ايتۋىنشا، ەۆاكۋاسيالانعاندار ساۋساق ءىزىن تاپسىرىپ، بازالاردا بيومەتريكالىق تەكسەرۋدەن وتەدى، ەگەر كۇدىك تۋىنداسا، ولار سارى نەمەسە قىزىل تۇسپەن بەلگىلەنەدى، ال ماتەريالدار فبر اگەنتتەرىنە تاپسىرىلادى.
ءميلليدىڭ ايتۋىنشا، تەرروريزم 2-2،5 جىل ىشىندە قايتا جاندانۋى مۇمكىن. ول امەريكالىق زاڭ شىعارۋشىلار الدىندا ءدال وسىنداي پوزيسيانى ايتقانىن ەسكە سالدى.
بۇعان دەيىن امەريكالىق اقپارات قۇرالدارى امەريكا قۇراما شتاتتارى ءوز تەرريتورياسىنا تەرروريستىك توپتارمەن بايلانىسى بار دەپ جۇزگە جۋىق اۋعان بوسقىنىنان كۇدىكتەنگەنىن جانە قوسىمشا تەكسەرۋگە كوسوۆوعا كەمىندە ەكەۋىن جىبەرۋگە نيەتتى ەكەنىن حابارلادى.
اقش شەنەۋنىكتەرى ەلدىڭ ءار ايماعىنداعى سەگىز اسكەري بازادا 50 مىڭ اۋعان بوسقىنىنا ارنالعان ورىن دايىنداپ جاتقانىن ايتادى.